ՊՆ նախկին փոխնախարար Շիրխանյանը կարևոր բան է ասելու
Բաց մի թողեք
«10 օրից իմ պաշտպանյալ Վահան Շիրխանյանը հանդես կգա մամուլի ասուլիսով: Այս օրերին զբաղված եմ ասուլիսի կազմակերպմամբ»,- MAMUL.am-ի թղթակցի հետ զրույցում ասել է ՀՀ պաշտպանության նախկին փոխնախարար, զինված խմբի գործով մեղադրյալ Վահան Շիրխանյանի փաստաբան Հայկ Ալումյանը` տեղեկացնելով, որ ասուլիսի հստակ օրվա և ժամի մասին հավելյալ կտեղեկացնեն:
Հարցին` Շիրխանյանը հայտարարությա՞մբ է հանդես գալու, փաստաբանն ասել է. «Չեմ ուզում առաջ ընկնել, բայց կարևոր բան ունի ասելու, այդ իսկ պատճառով էլ ուզում է անպայման ասուլիսով հանդես գալ»:
Խոսելով Շիրխանյանի առողջական վիճակի մասին` Ալումյանը տեղեկացրել է, որ իր պաշտպանյալն այնքան էլ իրեն լավ չի զգում. «Դեղեր է խմում, բայց ապարդյուն, այլևս որևէ բան նրան չի օգնում, օրեցօր վիճակը ծանրանում է»:
Հիշեցնենք, որ Շիրխանյանի գործով Մարդու իրավունքների Եվրոդատարան բողոք է ուղարկվել։
Շիրխանյանը կասկածվում է` Արթուր Վարդանյանի կողմից ստեղծված հանցավոր համագործակցությանը մասնակցելու, դրա օգտին գործելու, կոնկրետ հանձնառություն և դերակատարություն ունենալու մեջ, նախատեսված` ՀՀ քրեական օրենսգրքի 223-րդ հոդվածի 2-րդ մասով:
1
2
3
4
5
4
5
1
3
4
