ՈՒՇԱԴՐՈՒԹՅՈՒՆ․ տղամարդուն ճանաչողներին խնդրում ենք հայտնել Քննչական կոմիտե․ Տեսանյութ

ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում քննվող քրեական գործով միջոցներ են ձեռնարկվում՝ պարզելու Երևանում գործող դեղատներից մեկից գողություն կատարած անձի ինքնությունը:

2018թ. մարտի 12-ին հաղորդում է ստացվել առ այն, որ փետրվարի 28-ին՝ ժամը 10:30-ի սահմաններում, ենթադրյալ հանցագործություն կատարած անձը, Կոմիտասում գործող դեղատներից մեկից հափշտակել է խնամքի միջոց:

Դեպքի առթիվ հարուցվել է քրեական գործ՝ ՀՀ քրեական օրենսգրքի 177-րդ հոդվածի 1-ին մասով, որով նախաքննությունն իրականացվում է ՀՀ ՔԿ ԵՔՔՎ Արաբկիր վարչական շրջանի քննչական բաժնում:

Նախաքննության ընթացքում ստացվել են դեղատան անվտանգության տեսախցիկների՝ տվյալ օրվա տեսագրությունները, ենթարկվել զննության: Տեսանյութի մեջ երևում է, թե ինչպես է գլխարկով մի տղամարդ մոտենում դարակաշարին, վերցնում ինչ-որ իր և հեռանում:

Քրեական գործով բազմակողմանի, օբյեկտիվ և լրիվ քննությունն ապահովելու նպատակով միջոցներ են ձեռնարկվում՝ տեսանյութում պատկերված անձին հայտնաբերելու ուղղությամբ։

Խնդրում ենք նշված անձին ներկայանալ վարույթն իրականացնող մարմնին կամ ովքեր ճանաչում են նրան, որևէ տեղեկություն ունեն նրա ինքնության կամ գտնվելու վայրի մասին, հայտնեն ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժին:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Այս թեմայով Ուշադրություն. ովքեր ճանաչում են այս անձին, խնդրում ենք հայտնել Քննչական կոմիտե Փողով սեքս անելու համար տղաները եկել են իր տուն. ահազանգ ոստիկանությունում ՈՒՇԱԴՐՈՒԹՅՈՒՆ․ Երիտասարդին ճանաչողներին խնդրվում է դիմել Քննչական կոմիտե (տեսանյութ) Հետախուզվող կինը կամավոր ներկայացել է ոստիկանություն․ մանրամասներ Ուշադրություն․ խնդրվում է տեսանյութում պատկերված անձի մասին տեղեկություններ հայտնել