Օծանելիքի բույրն ավելի երկար կմնա, եթե հաշվի առնեք մի քանի կանոններ

Ձեզ հարմար օծանելիք ընտրելը հաջողության միայն կեսն է: Ինչպես գեղեցիկ հագուստը, բույրը ևս պետք է կարողանալ ճիշտ «կրել»: Կարևոր չէ՝ այն թանկարժեք է, թե ոչ, պետք է այն խելացի օգտագործել: Չէ՞ որ անխնա օգտագործումը կարող է այնքան փոխել բույրը, որ ձեզ շրջապատողները կցանկանան կիլոմետրերով հեռու մնալ:

Ահա, մի քանի խորամանկություններ, թե ինչպես ճիշտ օգտագործել օծանելիքը: Դրանց շնորհիվ ձեր օծանելիքն ավելի երկար կմնա և աստվածային բույր կունենաք:

Ընտրեք մեկ խմբից

Որպեսզի ձեր օծանելիքն այնպիսի բույր ունենա, ինչպիսին պետք է, ապա ընտրեք մարմնի կրեմ և դեզոդորանտ կամ նույն բույրի կամ չեզոք: Ոչ մի այլ բույր չպետք է մրցակցության մեջ մտնի օծանելիքի  բույրի հետ:

Յուրաքանչյուր բույրն իր ժամանակն ունի

Զուր չէ, որ բույրերը բաժանվում են երեկոյան-առավոտյան, կամ ձմռան և ամառվա: Այդ պատճառով էլ պետք է օգտագործել պարֆյումային ժամանակը: Տաք եղանակին և ցերեկը նախապատվություն տվեք թեթև բույրերի:

Միայն մաքուր մաշկին

Շատ մարդիկ օծանելիքը ցանում են հագուստին, քանի որ այն ավելի երկար է մնում: Սակայն մեկ գլխավոր կանոն է առկա. օծանելիքը պետք է ցանել միայն մաքուր մաշկին: Բացի այդ, հագուստին ցանելու դեպքում այն կարող է նաև հետքեր թողնել:

Պետք չէ տրորել օծանելիքը

Ամենատարածված սխալն օծանելիքը տրորելն է: Օրինակ, քսել ձեռքին և քսել դրանք իրար կամ անցնել պարանոցով:

Օծանելիքը ցանեք հատուկ հատվածի վրա

Հստակ հատվածներին ցանեք օծանելիքը և այնտեղ, որտեղ դրանք ավելի երկար կարող են մնալ: Դրանք են ականջների շրջակայքը, ձեռքերի դաստակները: Ցուրտ ժամանակին օծանելիքը խորհուրդ են տալիս ցանել պարանոցի հետևի հատվածում: Այդտեղ ավելի երկար է մնում այն  և տարածվում մարդաշատ վայրում: Եվ իհարկե, վարսերին, սակայն ոչ թե անմիջապես դրանց, այլ սանրի վրա:

Օծանելիքը ցանեք մինչ զարդեր կրելը: Ամենալավը օծանելիքը մնում է յուղոտ մաշկին: Այդ պատճառով ցանելուց առաջ ավելի լավ է մաշկին որևէ այլ բան քսեք: