Կեմերովոյի հրդեհի հետեւանքով զոհված հայը թիկնապահ էր աշխատում. մանրամասներ

Ռուսաստանի Կեմերովո քաղաքում մարտի 25-ին առեւտրի կենտրոնում բռնկված խոշոր հրդեհի հետեւանքով որդու հետ զոհված, ազգությամբ հայ Դմիտրի Գալանինը թիկնապահ էր, 43 տարեկան: Այս մասին ասել է Ռուսաստանի հայերի միության Կեմերովոյի գրասենյակի ղեկավար Գեորգի Անտոնով-Միրզախանյանը:

«Սպա էր Դմիտրին, շատ հայտնի Կեմերովոյի հայերի շրջանում: Մարտի 25-ին որդու հետ գնացել էին այդ առեւտրի կենտրոն՝ ժամանակ անցկացնելու»,- ասաց նա:

Գեորգի Անտոնով-Միրզախանյանը հայտնեց նաեւ, որ 10-ամյա Միխայիլը ընտանիքի միակ երեխան էր:

«Զոհված հայերի հիշատակին այսօր եկեղեցում պատարագ է մատուցվել»,- նշեց նա:

Հիշեցնենք, որ Կեմերովոյում «Զիմնյայա վիշնյա» 4 հարկանի առեւտրի կենտրոնում հրդեհը բռնկվել էր մարտի 25-ին: Հրդեհի հետեւանքով, ըստ պաշտոնական տվյալների, 76 մարդ է մահացել, այդ թվում՝ 41 երեխա:

Նյութի աղբյուրը՝ այստեղ

Այս թեմայով Կեմերովոյի ողբերգությունից փրկված 11-ամյա երեխային հայտնել են, որ ընտանիքի անդամները զոհվել են հրդեհի ժամանակ Դուրս չեկան այդ դժոխքից, ինչպես հիմա ապրել. Կեմերովոյի հրդեհում մայրը կորցրել է երկու դուստրերին Երիտասարդը Կեմերովոյի հրդեհից 30 երեխայի է փրկել՝ ուսապարկի «խաղալիքի» շնորհիվ Նոր աղետ. խոշոր հրդեհ է բռնկվել Պետերբուրգում «Ներողություն եմ խնդրում, որ իմ աղջիկը քնած է եղել և չի այրվել հրդեհում». Հայտնի աստղի ցինիզմը