Հետաքրքիր փաստեր երազների մասին, որոնց մասին չգիտեիք

Ընդունված է համարել, որ մարդն ամենաազդեցիկ զգացողությունները ստանում է երազներում:

Մեր կյանքի մեկ երրորդն անցնում է քնած: Բոլոր մարդիկ երազ տեսնում են, մինչդեռ մեծամասնությունը դրանք չի հիշում:

Հնում երազներին տրվել է մեծ նշանակություն: Պատերազմական գործողություններում հրամանատարներին ուղեկցել են երազի տեսաբանները: Երազները, երբեմն, քննարկվել են նաև Սենատներում:

Այսօր էլ շատերն առաջնորդվում են երազներով: Ուստի, որպեսզի դրանք դրական լինեն, շատ լավ կլինի քնից առաջ երաժշտություն լսել՝ ցանկալի է մեղմ ու հանգիստ:

Հայտնի է, որ երազի ընթացքում մարդու օրգանիզմի երկու կարգավիճակ կա՝ աչքերի արագ շարժումների և մարմնի ազատ շարժումների: Առաջինի օգնությամբ օրգանիզմն ինքնապաշտպանվում է. մարմինը մնում է անշարժ, շարժուն են միայն մարդու աչքերը, ինչն օգնում է խուսափել հուզական երազների ժամանակ տրավմաներ ստանալուց: Իսկ ահա մյուս կարգավիճակի ժամանակ, մենք երազ տեսնելով կարող ենք մի կողքից մյուսը թեքվել:

Կույր մարդիկ ևս տեսնում են երազներ: Նրանք ում կուրությունը ձեռքբերովի է, տեսնում են խառը պատկերներ, իսկ ի ծնե կույր մարդիկ չեն տեսնում երազում: Նրանք ունենում են բուռն զգացողություններ՝ լսողական և զգայական:

Ապացուցված է, որ քնի ժամանակ մարդու ուղեղն ունակ չէ նոր կերպարներ ստեղծել: Կյանքի ընթացքում մենք տեսնում ենք հազարավոր դեմքեր, որոնց կարող ենք չհիշել, մինչդեռ երազում տեսնել: Այնպես որ երազում տեսած անծանոթ մարդը կարող է ինչ-որ տեղ հանդիպած պատահական անցորդ լինել, ում ֆիքսել է մեր ենթագիտակցությունը: