Ադրբեջանը խոստովանեց

Լրագիր | Ապրիլյան պատերազմից երկու տարի է անցել, իսկ Ադրբեջանը դեռ պնդում է, որ դա լայնածավալ հարձակում չէր, այլ պատասխան էր հայկական կողմի սադրանքին: Բաքուն համառորեն չի խոստովանում, որ փորձել է հակամարտությունն ուժով լուծել, առնվազն մի քանի բնակավայր գրավել, եւ եթե հաջողվի՝ խուճապ սերմանել, հասնել հայկական զորքերի դուրսբերմանը:

Ադրբեջանը չի կարողացել լուծել այդ խնդիրները, բացառությամբ Լելե Թափե կարեւոր բարձունքը գրավելուց: Ամենագլխավորն այն է, որ Ադրբեջանը չի կարողացել ապացուցել, որ եթե քաղաքական բանակցությունները դադարեն, կամ եթե Ղարաբաղը ճանաչվի, ապա Բաքուն կարող է ցանկացած պահի հակամարտությունն ուժով լուծել:

Ադրբեջանն ի սկզբանե պնդում էր, որ դա պատասխան էր հայկական կողմի սադրանքին: Երեկ Ադրբեջանի ՊՆ-ն ու ԱԳՆ-ն նման հայտարարություններ են արել: Երեւում է Ադրբեջանին ոչ ոք այդպես էլ «պատերազմի իրավունք» չի տալիս: Բաքուն հստակ հասկանում է, որ ուժային լուծման իրավունք չունի, այդ պատճառով էլ չի խոստովանում, որ 2016 թվականի ապրիլի 2-ին փորձել է «վերականգնել տարածքային ամբողջականությունը»:

Ադրբեջանը ոչ տարածքային ամբողջականություն ունի, ոչ էլ դա վերականգնելու իրավունք: Այս մասին հստակ արտահայտվել է Սերգեյ Լավրովը, երբ ադրբեջանցի լրագրողը հարցրել է, թե ինչպես կվարվի Ռուսաստանը, եթե Ադրբեջանը Ղարաբաղում «հակաահաբեկչական գործողություն» սկսի: Լավրովն ասել է, որ դա «Ադրբեջանի ներքին գործը չէ»:

Մի քանի օրից Հայաստանում եւ Ադրբեջանում պետք է ընտրություններ տեղի ունենան: Տարածքային ամբողջականությունը թե Ալիեւի, թե Սարգսյանի ամենացավոտ կետն է: Սարգսյանին նախատում են 800 հեկտար կորցնելու մեջ, իսկ Ալիեւի մրցակիցները նրան կշտամբում են, որ չի կարողանում «տարածքային ամբողջականությունը վերականգնելու» իրավունք ստանալ:

Ադրբեջանը սահմանին իրար հետեւից զորավարժություններ է անցկացնում, հիմա էլ հրթիռա-հրետանային զորավարժություններ են անցկացնում, իսկ պաշտոնաթող գեներալներն ասում են, որ շուտով տարածքային ամբողջականության վերականգնման հրաման է տրվելու:

մանրամասն ՝ կայքում

Այս թեմայով Կուտակումներ․ Ղարաբաղի բանակը նոր տեսանյութ է հրապարակել Ղարաբաղի բանակը հաղորդագրություն է տարածել Լավրովն ու Մամեդյարովը Ղարաբաղի հարցով քննարկում են անցկացրել Պատմության 10 խոշոր պատերազմներ, որոնց սկսման պատճառներն ավելի քան անլուրջ են եղել Ադրբեջանի խնդրանքը Հայաստանին. Բաքվում հասկացել են՝ ինչ է կատարվել