Հին ժամանակներից հայտնի է ձեռքի ափ նայելու արվեստը: Համարվում է, որ այդպես կարելի է իմանալ տվյալ մարդու բնավորությունն ու ճակատագիրը: Բայց շատ քչերը գիտեն, որ ոտքի թաթի ձևով նույնպես կարելի է մարդու մասին շատ բան իմանալ:
Ոտնաթաթի ամենատարածված ձեւը աշխարհում համարվում է եգիպտականը. տարբեր տվյալներով ոտնաթաթի նման ձեւ ունի մեր մոլորակի բնակչության 50-70 տոկոսը: Համարվում է, որ ոտնաթաթի նման ձեւով մարդկանց բնորոշ է նպատակասլացությունը, կյանքի նկատմամբ իրատեսական մոտեցումը, նվիրվածությունն ընտանիքին՝ այդ բառի լայն իմաստով («գերդաստանային» կյանքը, սերնդից սերունդ փոխանցվող ավանդույթները, արժեքները): Եգիպտական ոտնաթաթ ունեցող կանայք ավելի աշխատասեր են, ինքնավստահ, ամուր առողջություն ունեն, իսկ բժիշկ օրթոպեդները առհասարակ համարում են, որ անատոմիայի տեսակետից դա է ոտնաաթաթի միակ առողջ կառուցվածքը: Այս տեսակի տարածվածությունը վկայում է այն մասին, որ բնությունը էվոլյուցիոն տեսակետից հենց դրան է նախապատվություն տվել:
Տարածվածությամբ երկրորդ տեղում հռոմեական ոտնաթաթն է, բնակչության մոտավորապես 30 տոկոսը այդ տեսակի ոտնաթաթ ունի: Հռոմեացիները հավակնոտ են, բաց են բոլոր նոր բաների համար, շատ ակտիվ են ու չեն դիմանում միապաղաղ կյանքին: Նրանց երբեք չեն կարողանում նույն տեղում մնալ, միշտ լի են նոր գաղափարներով, ու լավատեսաբար են վերաբերվում ապագային: Ընդ որում նրանք շատ համառ են՝ եթե «հռոմեացիները» որոշում են կայացրել, նրանք կգնան մինչեւ վերջ, համբերատարորեն հաղթահարելով դժվարությունները,ժամանակավոր անհաջողությունները ու խրախուսելով շրջապատի մարդկանց:
Այսպիսի ոտք ունեցողների մոտ մատները բոլորն իրար հավասար են, նույն երկարությունն ունեն, դրա համար էլ նրանց տեսքը քառակուսի է հիշեցնում: Այսպիսի ոտք ունեցող մարդիկ հանգիստ են և կշռադատված որոշումներ են կայացնում: Նրանք հուսալի մարդիկ են:
Ամենահազվագյուտ ու նկարիչների ու քանդակագործների տեսակետից ամենաագեղեցիկ ոտնաթաթը հունականն է: Այս տեսակը վերջինն է նշվում, քանի որ մոլորակի բնակչության միայն 20 տոկոսն է պաահպանել ոտնաթաթի նման կառուցվածքի համար պատասխանատու գենետիկ կոդը: Արվեստագետները ժամանակին ուշադրություն են դարձրել այն հանգամանքին, որ բոլոր հունական քանդակները անխտիր հենց այդպիսի ոտնաթաթեր են պատկերում՝ երկար երկրորդ մատով: Անց կացնելով հետազոտություն՝ գիտնականները պարզել են, որ քանդակագործները իրենց համար բնորդ էին ընտրում ազնվական կազմվածք ունեցող մարդկանց, որի հատկանիշներից մեկն էլ հունական ոտնաթաթն էր: «Հույներին» բնորոշ է նաեւ ձգտումը մտավոր աշխատանքի նկատմամբ, գեղեցիկի ընկալումը, սերն արվեստի նկատմամբ: Նրանք երազկոտ մարդիկ են փիլիսոփաներ, մարդիկ, որոնք ապշեցուցիչ ինտուիցիա ունեն ու երեւակայություն եւ որպես կանոն հաջողությունների են հասնում ստեղծագործական մասնագիտություններում:
Այսպիսի ոտնաթաթ ունեցող մարդիկ հաճախ չափազանցնում են իրադարձությունների ծավալները և հակված են չափազանցնել խնդիրները: Երբ այսպիսի մարդը լավ տրամադրություն է ունենում, ապա նրա շրջապատի մարդիկ էլ են իրենց լավ զգում, քանի որ նա փոխանցում է իր դրական հույզերը: Բայց եթե հանկարծ նա վատ տրամադրություն է ունենում, ավելի լավ է նրան մենակ թողնել:
Այսպիսի ոտնաթաթ ունեցող մարդիկ նախընտրում են միշտ ամեն ինչ նախօրոք պլանավորել: Նրանք շատ կազմակերպված են և ցանկացած իրավիճակում ամեն ինչ իրենց հսկողության տակ են պահում:
Այսպիսի ոտնաթաթի դեպքում ճկույթը շատ փոքր է լինում մյուս մատներից: Այսպիսի ոտնաթաթ ունեցող մարդիկ ապստամբ բնավորություն ունեն և սիրում են, որ արդյունքում ամեն ինչ լինի այնպես, ինչպես իրենք են ուզում: Նրանք նույնպես հակված են ոչ սովորական վարք ունենալուն:
1
2
3
4
5
1
2
4
1
2
3
5
