Չի համընկել գրաֆիկի հետ․ աղջկան ստիպել են ներողություն խնդրել հղիության համար

Ճապոնիայում ղեկավարը նկատողություն է հայտարարել և ստիպել է ներողություն խնդրել աշխատակցուհուն այն բանի համար, որ վերջինս արտահերթ հղիացել է: Այս մասին հաղորդում է Mainichi Shimbun թերթը:

Ինչպես գրում է լրատվամիջոցը՝ մասնավոր մանկապարտեզի դաստիարակներից մեկին մեղադրել են եսասիրության մեջ այն բանի համար, որ իր հղիությունը չի համընկել ղեկավարության մշակած գրաֆիկի հետ: Հաստատության օրենքների համաձայն՝ կանայք կարող էին հղիանալ իրենց պաշտոնական դիրքին համապատասխան. սկզբում ավագ աշխատակիցները, հետո՝ կրտսերները:

Կատարվածի մասին թերթում գրել է աղջկա ամուսինը: Նա հաղորդել է, որ իրենք կնոջ հետ պաշտոնապես ներողություն են խնդրել մանկապարտեզի ղեկավարությունից, սակայն միևնույնն է, իր կնոջ վրա ճնշում են գործադրել և մեղադրել են հաստատության շահերի նկատմամբ անփույթ վերաբերմունքի մեջ:

«Ես հարգում եմ այն, թե ինչպես է իմ կինը վերաբերվում իր աշխատանքին և աջակցում եմ նրան, բայց այն, թե ինչպես են վերաբերվում նրանց, ովքեր երեխա են խնամում, խոսում է երկրի հետամնացության մասին»,- ասել է նա:

Ճնշումը, որի հետ աշխատավայրում բախվում են կանայք հղիությունից հետո՝ ժամանակակից ճապոնական հասարակության գլխավոր խնդիրներից մեկն է: Հարցման արդյունքների համաձայն՝ երկրի աշխատող կանանց կեսը աշխատավայրում բախվել են հղիության հետ կապված խնդիրների հետ: Ընդ որում, հինգ կանանցից մեկը այդ պատճառով հեռացվել է աշխատանքից:

Այս թեմայով Նառա Սարգսյանը՝ հղիության, բալիկի սեռի և անվան ընտրության մասին Գիտնականները պարզել են՝ որ տարիքում ծննդաբերելն է ամենաճիշտը Աղջիկը հյուրանոցի համարում ինքնուրույն ծննդաբերել է․ լուսանկարներ Սիդնի Գրիգորյանը` հղիության վերջին փուլի և ամուսնու անակնկալի մասին Ինչո՞ւ են հղիներին հաճախ խորհուրդ տալիս լյարդ և փայծաղ ուտել