Հոգևորական է դանակահարվել

Երեկ՝ ապրիլի 4-ին, արտակարգ դեպք է տեղի ունեցել Արագածոտնի մարզում: Ժամը 15:00-ի սահմաններում Աշտարակ քաղաքի Ներսես Աշտարակեցու հրապարակում՝ «Ինեկո բանկ» ՓԲԸ-ի մասնաշենքի դիմաց, անհայտ անձը վիճաբանել, ապա ձեռքին եղած դանակով սպառնացել է, որ կսպանի ու դանակով հարվածել է Օշական գյուղի բնակիչ, 36-ամյա Հմայակ Մանուկյանի ճակատին՝ պատճառելով վնասվածք , որից հետո դիմել է փախուստի:

Shamhsyan.com-ի փոխանցմամբ, ոստիկանության Աշտարակի բաժնի ծառայողները, ձեռնարկելով անհրաժեշտ օպերատիվ-հետախուզական միջոցառումներ, պարզել են, որ Հ. Մանուկյանի հետ վիճաբանել ու մարմնական վնասվածքը պատճառել է Աշտարակ քաղաքի բնակիչ, 46-ամյա Աշոտ Մաթեւոսյանը, ով ժամեր անց ոստիկանների կողմից հայտնաբերվել եւ բերման է ենթարկվել ոստիկանության Աշտարակի բաժին: Նրա մոտ հայտնաբերվել է դանակը, որով նա վնասվածք է պատճառել Հ. Մանուկյանին:

Կայքի տեղեկություններով՝ Հ. Մանուկյանը Օշական գյուղի Սուրբ Մեսրոպ Մաշտոց եկեղեցու հոգեւոր հովիվն է: Փաստի առթիվ ոստիկանության Աշտարակի բաժնի հետաքննչական բաժանմունքում նյութեր են նախապատրաստվում: Ա. Մաթեւոսյանը ստորագրությամբ բաց է թողնվել:

Այս թեմայով ԿԵՆՏՐՈՆՈՒՄ 15-ԱՄՅԱ ՏՂԱ Է ԴԱՆԱԿԱՀԱՐՎԵԼ (ՏԵՍԱՆՅՈՒԹ) Արտակարգ դեպք Երևանում․ 2 երիտասարդ է դանակարվել Ով է ձերբակալված Մայիսիկը. սպանության մանրամասները «Համասեռամոլ ա էղել՝ խփել եմ»․ մանրամասներ 15-ամյա տղայի դանակահարությունից Կենտրոնում երկու երիտասարդ է դանակահարվել․ տեսանյութ