Աղջիկների մոտ արական սեռական հորմոնի ավելցուկի նշանները

Ոմանց թվում է, թե միայն տղամարդկանց մոտ է առկա տեստոստերոն հորմոնը, սակայն կանանց մոտ եւս այն արտադրվում է, ըստ որում՝ ձվարանների կողմից, ինչպես եւ էստրոգենը: «Տղամարդկային» հորմոնը կանանց անհրաժեշտ է լիբիդոն բարձրացնելու համար, սակայն դրա ավելցուկը կարող է առողջական որոշ խնդիրների հանգեցնել:

Ներկայացնենք կանանց մոտ տեստոստերոնի բարձր մակարդակի 6 ախտանիշ.

1. Դեմքին եւ մարմնի մազածածկույթի ավելցուկ

Դեմքին, կրծքի շրջանում, այտերի, շրթունքների վերին հատվածի, դնչի եւ ոտքերի վրա մազերի անոմալ աճը կանացի օրգանիզմում տեստոստերոնի բարձր մակարդակի բնութագրական նշաններից մեկն է:

2․ Պզուկներ

Ցանկացած աղջկա մոտ կարող են պզուկներ հայտնվել, սակայն տեստոստերոնի բարձր մակարդակի դեպքում ցանն ավելի ծանր է եւ բուժման հանդեպ կայուն:

3․ Քաշի ավելացում

Տեստոստերոնի մակարդակի բարձրացման դեպքում կանայք սովորաբար գիրանում են, քանի որ նրանց մոտ նկատվում է ախորժակի աճ եւ հակում աղի ու քաղցր մթերքի հանդեպ:

4․ Դաշտանային ցիկլի խանգարում

Եթե տեստոստերոնի բարձր մակարդակի պատճառը ձվարանների պոլիկիստոզն է, դա կարող է դաշտանային ցիկլի խանգարման հանգեցնել:

5․ Մազաթափություն

Կանանց մոտ տեստոստերոնի բարձր մակարդակի եւս մեկ տհաճ ախտանիշ է գլխի մազաթափությունը:

6․ Ծլիկի չափի մեծացում

Տեստոստերոնի բարձր մակարդակի դեպքում ծլիկի չափերը կարող են մեծանալ՝ նմանվելով առնանդամի:

Ինչպիսին էլ լինի կանանց մոտ տեստոստերոնի մակարդակի բարձրացման պատճառը, այդ խնդիրն արդեն իսկ բժշկի դիմելու առիթ է, որը կարող է անհրաժեշտ բուժում ընտրել եւ կարգավորել հորմոնների մակարդակը: