«Ազգայնամոլական պրոպագանդային շարունակելու ենք անզիջում հակահարված տալ»․ Սովետական Հայաստանի առաջնորդ Կարեն Դեմիրճյանի ելույթը
Քաղաքականություն
Ձեզ ենք ներկայացնում հատվածներ Սովետական Հայաստանի առաջնորդ (1974-1988) Կարեն Դեմիրճյանի՝ ՀԿԿ Կենտկոմի՝ 1987թ․ հուլիսի 25-ի պլենումում ունեցած ճառից: ՍՄԿԿ կենտկոմի՝ 1987թ. հունիսյան պլենումում ՍՍՀՄ ղեկավար Միխայիլ Գորբաչովը քննադատել էր Հայաստանի կոմկուսի ղեկավարությանը և Կենտկոմի առաջին քարտուղար Կարեն Դեմիրճյանին՝ վերակառուցման տեղապտույտի, բնապահպանական չլուծված հարցերի, կոռուպցիայի դեմ պայքարի բացակայության, կադրային ոչ ճիշտ քաղաքականության և բազմաթիվ այլ հարցերում:
Կարեն Դեմիրճյան․
«Ընկեր Գորբաչովի զեկուցման մեջ սուր քննադատություն հնչեց մեր հանրապետության կուսակցական կազմակերպության վերաբերյալ և նրա ղեկավարության հասցեին: Արդարացիորեն նշվեց, որ վերակառուցումը մեր հանրապետությունում տեղապտույտ է տալիս:
Հայաստանի Կոմկուսի ԿԿ բյուրոն գտնում է, որ … ՍՄԿԿ Կենտկոմի հունիսյան պլենումում արված սուր, պահանջկոտ քննադատությունը արդարացի է և ժամանակին: Կենտկոմի բյուրոն և ես` որպես Կենտկոմի առաջին քարտուղար, թույլ ենք տվել լուրջ վրիպում: … անհրաժեշտ է այսուհետև էլ վճռական հակահարված տալ դաշնակցական պրոպագանդային… այստեղ զիջումներ չեն եղել և չպետք է լինեն:
Առանձին մարդիկ իրենց ելույթներում, հրապարակումներում կեղծ հայրենասիրություն են դրսևորում, շահարկում ազգային զգացմունքներ և պատշաճ հակահարված չեն ստանում: Բանը հասնում է այնտեղ, որ օրը ցերեկով կոլեկտիվներում հայտնվում են ինքնակոչ դասախոսներ, զանազան նամակների տակ ստորագրություններ հավաքողներ, պատճենահանման տեխնիկայով բազմացվում և տարածվում են կասկածելի գրվածքներ»…
«Սովետական Հայաստան» օրաթերթ, 28 հուլիս, 1987թ.
1
2
3
4
5
1
2
3
4
5
1
3
4
