Լավրովի անսպասելի խոսքը Հայաստանի մասին

Լրագիր | ՌԴ ԱԳՆ կայքում կիրակի օրը տեղադրվել է «հայաստանյան ԶԼՄ-ների հարցուպատասխանը» ՌԴ ԱԳ նախարար Սերգեյ Լավրովի հետ, որում վերջինս անդրադարձել է հայ-ռուսական հարաբերություններին:

«10 տարիների ընթացքում հարաբերությունները զարգացել են, անկասկած, մեր երկրների նախագահներ Վլադիմիր Պուտինի և Սերժ Սարգսյանի միջև վստահելի ուղիղ կապերի ազդեցությամբ: Նրանք տարեկան մի քանի անգամ բարձր մակարդակով հանդիպում են», ասել է նա:

Լավրովի խոսքով, ռազմատեխնիկական համագործակցությունը շատ սերտ է: Առևտրատնտեսական համագործակցության հարցերով միջկառավարական հանձնաժողովից բացի կա ռազմատեխնիկական համագործակցության հանձնաժողով: Հանձնաժողովներն աշխատում են և լավ արդյունքներ տալիս:

Անդրադառնալով ղարաբաղյան հակամարտության կարգավորմանը և 2011 թվականին Կազանի վեհաժողովին՝ Լավրովը նշել է, որ հետխորհրդային տարածքում այդ հարցը Ռուսաստանի առաջնահերթություններից մեկն է: Նա ասել է, որ 2009-2011 թվականներին աշխատանքը ինտենսիվ է եղել: Ռուսաստանի, Հայաստանի և Ադրբեջանի նախագահները մոտ 10 անգամ հանդիպել են: «Հերթական հանդիպումը, որը նախատեսված էր Կազանում, իրոք թույլ էր տալիս հուսալ, որ լուրջ դրական արդյունքներ կլինեն, քանի որ ԱՄՆ ու Ֆրանսիայի աջակցությամբ Ռուսաստանի պատրաստած փաստաթղթում հաշվի էին առնվել Երևանի ու Բաքվի բոլոր մտահոգությունները: Եվ կողմերը քիչ է մնացել համաձայնություն կնքեն Բայց համաժողովի ժամանակ լրացուցիչ հարցեր ծագեցին: Այդպես լինում է: Մենք դրանից առանձնապես ողբերգություն չենք սարքում: Աշխատանքը շարունակվում է»:

մանրամասն՝ կայքում