«Մուլտի Գրուպ» կոնցեռնի կողմից կրիպտոարժույթի արտադրությանն ուղղված ներդրումները՝ ՀՀ տնտեսության զարգացման նոր խթան
Blog
Գուրգեն Սահակյան | Օրեր առաջ արդեն պաշտոնապես հաստատվեցին այն խոսակցությունները, որ Գագիկ Ծառուկյանին պատկանող «Մուլտի Գրուպ» կոնցեռնը հսկայածավալ ներդրումներ է իրականացրել կրիպտոարժույթի արտադրության բնագավառում: Արտադրական ծրագիրն իրականացվել է շվեդական հեղինակավոր ընկերության հետ համատեղ գործակցության արդյունքում, որին ինչպես իր խոսքում անդրադարձավ ընկերության հիմնադիր Ռոբերտ Վերգը, հաշվի է առնվել Գագիկ Ծառուկյանի հեղինակությունն ու հաջողակ գործարարի համբավը: Թվերը իրոք խոստումնալից են և հուսադրող, ինչը կարող է ՀՀ տնտեսության զարգացման նոր խթան հանդիսանալ, քանի որ Հայաստանում հիմնվել է աշխարհի մակարդակով ամենաժոշոր կրիպտոարժույթի արտադրության կենտրոնը: Ներդրողների համար Հայաստանն ավելի գրավիչ դարձնելու գործում անգնահատելի է նաև Ծառուկյանի ավանդը, չէ որ նմանատիպ խոշորածավալ ներդրումներն արդեն իսկ արտաքին աշխարհին ազդակներ են, որ ճիշտ և վստահելի մարդկանց միջնորդությամբ հայաստանում հնարավոր է իրականացնել խոշորածավալ ներդրումներ, ինչը բխում է միայն մեր պետության և ինչու չէ նաև մեր հասարակության շահերից: Բազմաթիվ դրական գործոնների կողքին նմանատիպ քայլերով լուծվում է նաև սոցիալական բնույթի հիմնախնդիրներ, երբ գործազրկության ֆոնին ստեղծվում են նոր բազմահազար աշխատատեղեր: Ստեղծված հսկայական տեխնոպարկը համագործակցելու է միջազգային ավելի քան 500 ընկերությունների հետ, որոնց թվում են այնպիսի գիգանտներ ինպիսիքն են Ֆեյսբուքը, Գուգլն ու Ամազոնը: Կասկածից վեր է, որ տեղեկատվական տեխնոլոգիաների զարգացման տեսանկյունից նման իրադարձությունները չափազանց կարևոր են, որնք էլ հիմք են հանդիսանալու ՀՀ տնտեսության զարգացումն ապահովել նորագույն տեխնոլոգիների կիրառման շնորհիվ:
1
2
3
4
5
2
3
4
5
3
