Նոր աղմկահարույց դեպք Գորիսում. կիզակետում փոխոստիկանապետն է

«Ժողովուրդ» թերթին երեկ հայտնի դարձավ, որ ապրիլի 3-ին Սյունիքի մարզի ոստիկանության վարչության աշխատակիցները Գորիսում փայտով բեռնված մեքենա են կանգնեցրել: Եւ երբ ոստիկանները բեռնատարի վարորդից փայտի օրինականության վերաբերյալ փաստաթղթեր են պահանջել, վերջինս հայտարարել է, թե այն տանում է կոնկրետ ոստիկանության բարձրաստիճան պաշտոնյաների համար:

Վարորդը, որ հայտնի է Գորիս գյուղի Խչո անունով, տվել է ոստիկանության Գորիսի բաժնի պետ Կարեն Թադեւոսյանի վարորդի՝ Արթուր Զեյնալյանի անունը` ասելով, որ նրա հրահանգով է բերվել:

Պատմությունն ավարտվել է նրանով, որ Արթուր Զեյնալյանն ազատվել է աշխատանքից, թեեւ ըստ մարզում շրջանառվող լուրերի` այդ փայտը տարվել է Գորիսի բաժնի օպեր գծով տեղակալ Ռադիկ Բակունցի համար՝ հացի փռերին մատակարարելու նպատակով:

Բակունցը «Ժողովուրդ» օրաթերթի հարցին ի պատասխան` հրաժարվել է մեկնաբանել այս լուրերը: Իսկ ոստիկանությունից մեզ հայտնեցին, որ կատարվածի վերաբերյալ հետաքննություն է իրականացվում»:

Այս թեմայով Տղամարդը փորձել է բռնաբարել իրեն ձերբակալող կին ոստիկանին Ոստիկանության գնդապետ ներկայացող անձը որեւէ առնչություն չունի ոստիկանության հետ Ոստիկանները դաժան ծեծի են ենթարկել ցուցարարին․ տեսանյութ Ոստիկանները ծեծել են բժիշկ Հայկ Հովհաննիսյանին «Գռաժդանսկի» ոստիկանը խփել է լրագրող Արուս Հակոբյանին․ տեսանյութ