Արգենտինացի լրագրող Մանուել Սանչեսը փորձել է կրկնել Մադրիդի «Ռեալի» առաջատար Կրիշտիանու Ռոնալդուի շրջադարձ հարվածը Թուրինի «Յուվենտուսի» դեմ Չեմպիոնների լիգայի քառորդ եզրափակիչի առաջին խաղում, որում պորտուգալացի հարձակվողը իտալացի դարպասապահ Ջանլուիջի Բուֆոնի պաշտպանած դարպասը գրավել էր 2,23 մետր բարձրությունից։

Մանուել Սանչեսն ապահովության համար նույնիսկ ներքնակ է տեղադրել հատակին, սակայն նա անհաջող վայրէջք է կատարել եւ ստացել կոտրվածք կրունկի հատվածում։

Հիշեցնենք, որ Թուրքինում կայացած խաղում Չեմպիոնների լիգայի գործող գավաթակիրը հաղթել էր 3։0 հաշվով, իսկ Ռոնալդուն դարձել էր դուբլի ու գոլային փոխանցման հեղինակ։ Նա դարձավ Չեմպիոնների լիգայի պատմության մեջ առաջին ֆուտբոլիստը, որը գոլի հեղինակ է դառնում 10-րդ խաղում անընդմեջ։

Չեմպիոնների լիգայում Ռոնալդուն 9-րդ գոլը խփեց Ջանլուիջի Բուֆոնի դարպասը։ Չեմպիոնների լիգայում ոչ մի ֆուտբոլիստի չի հաջողվել այդքան գոլ խփել «Յուվենտուսի» 40-ամյա դարպասապահին։