ՄԵՐԳԵԼՅԱՆՑԻ ՍԱՄՎԵԼԻԿԻ ԱՎՏՈՏՆԱԿՈՒՄ ԶԵՆՔ-ԶԻՆԱՄԹԵՐՔ Է ՀԱՅՏՆԱԲԵՐՎԵԼ․ ՍՊԱՆՈՒԹՅԱՆ ԲԱՑԱՀԱՅՏՄԱՆ ՆՈՐ ՀՈՒՅՍ

Հրապարակ | 2007 թվականին սպանված քրեական հեղինակություն Մերգելյանցի Սամվելիկի՝ Սամվել Շահվերդյանի ավտոտնակում զենք եւ զինամթերք են հայտնաբերվել: Այս մասին «Հրապարակին» հայտնեց հանգուցյալի կինը՝ Լիանա Հարությունյանը: «Ես ու աղջիկս իջանք ավտոտնակ, դուռը բացեցինք, տեսա անծանոթ պայուսակ՝ մեջը թերթերով փաթաթված զենք: 4 հատ ավտոմատ եւ 100-ից ավելի փամփուշտներ՝ սիգարետի տուփերով: Զանգեցինք 1-02»,- հաղորդեց նա: Դեպքը տեղի է ունեցել ապրիլի 6-ին: Ոստիկանները եկել են, արձանագրել փաստը, Լիանա Հարությունյանը բացատրություն է տվել ոստիկանությունում: Նա հայտնել է, որ ավտոտնակը պատկանում էր հանգուցյալ ամուսնուն եւ նրա հորը՝ Նորայր Շահվերդյանին: Ո՛չ ինքը, ո՛չ իր երեխաները երկար տարիներ չեն մտել ավտոտնակ: Ոստիկանը հարցրել է, թե հնարավո՞ր է, որ ամուսնու հայրը պահսծ լինի զենքը: Լիանան պատասխանել է՝ ոչ։ «Երբ սկեսրայրս դեռ կենդանի էր, մի երկու անգամ երեխու հեծանիվի ակը փչելու համար գնացել եմ այնտեղ՝ երեխու հետ, ու նման պայուսակ չկար»,- հայտնեց Լիանան: Նրա սկեսրայրը՝ Նորայր Շահվերդյանը, մահացել է 2010 թվականին։ Լիանան նկատել է, որ ԱԿՄ տեսակի ավտոմատները փաթաթված են եղել 2011-2013 թվականների թերթերի մեջ: «Այդ թվերին սկեսրայրս կենդանի չէր, չէր կարող զենքը փաթաթել նոր թերթերի մեջ»,- ասում է նա։ Հիշեցնենք, որ Մերգելյանցի Սամվելիկին կրակել են ավտոմատից, որին հարմարեցված են եղել «Մակարով» ատրճանակի փամփուշտներ:

Լիանա Հարությունյանը նաեւ նկատել է, որ փամփուշտները պահված են եղել «Պառլամենտ» տեսակի սիգարետի տուփերում: Մեր հարցին, թե ով ելումուտ ուներ ավտոտնակ, պատասխանեց. «Ավտոտնակը փաստացի տնօրինում էր ամուսնուս քրոջ ամուսինը՝ Արթուր Խաչատրյանը: Հարեւաններն էլ են տեսել, որ բանալին իր մոտ է, ինքն է գալիս, բացում-փակում»: Արթուր Խաչատրյանը հերքում է՝ զենքի հետ ես կապ չունեմ, հրաժարվելով պատասխանել մեր հետագա հարցերին․ «Ով գտել է, նրան էլ հարցրեք։ Ինձ հարցեր մի տվեք»։

Մանրամասն՝ կայքում

Այս թեմայով Տեսանյութ չափահասների համար․ երիտասարդը փողոցում կրակել է ընկերուհու գլխին ու ինքնասպան եղել Նոր մանրամասներ «Երկրապահ»-ի փոխնախագահի սպանությունից 23-ամյա աղջիկը թունավորել է նախկին ընկերոջ մորը՝ տղայից վրեժ լուծելու նպատակով (լուսանկարներ) Սպանություն՝ ֆեյսբուքի ուղիղ եթերում․ լուսանկար Սեքսի ժամանակ սպանել է ուսանողուհուն, այնուհետ մասնատել և վառել