Յոթ տարածված միֆեր՝ սեքսի մասին

№1. Հավերժ սեր

Նեյրովիզուալացման ժամանակակից տեխնոլոգիաները թույլ են տվել հասկանալ, թե ինչպես է աշխատում սիրահարված մարդու ուղեղը։ Բանն այն է, որ ուժեղ ռոմանտիկ հրապուրման պահին, էնդորֆինների քանակն աճում է՝ ճնշելով ուղեղի այն հատվածի ակտիվությունը, որը պատասխանատու է քննադատական մտածելակերպի համար։ Նման վիճակը չի կարող երկար շարունակվել, հակառակ դեպքում կսպառնար մարդ տեսակի գոյությանը։ Այդուհանդերձ էնդորֆինների վերելքը բավական երկար է տեւում, որպեսզի սիրահարները հասցնեն երեխա ունենալ։ Եվ քանի որ մարդու հիմնական էվոլյուցիոն խնդիրը լուծված է, բնությունն անխղճորեն «հանում է էնդորֆինային ասեղը»։ Դա չի նշանակում, որ հարաբերություններն ավարտվում են, եւ ընտանեկան երջանկությունն այլեւս անհնար է։ Պարզապես հետագա կապը հիմնվում է այլ, ավելի կայուն զգացմունքների վրա, այլ ոչ թե առաջին տարիների ամենակուլ կրքի։

№2. Ֆրանսիական համբույրը պետք է երկար տեւի

Բացարձակապես այդպես չէ։ Իսկական ֆրանսիական համբույրը 2-3 րոպե է տեւում։ Ամեն բանի պատճառը հոլիվուդյան ֆիլմերն են, որտեղ զույգերը միաձուլվում են երկարատեւ համբույրի մեջ։

№3. Տղամարդու էրոգեն գոտին սեռական օրգաններն են

Իրականում ուժեղ սեռի ներկայացուցիչները կարող են սուր սեռական հաճույք ստանալ նաեւ մարմնի այլ մասերի շոյանքից։ Պարզապես տղամարդու մարմնի զգայունությունն ավելի թույլ է, իսկ դա նշանակում է, որ նրան պետք է ավելի ուժեղ շոյել։

№4.  Լավ սիրեկան/սիրուհի լինելն ամեն մեկի տաղանդը չէ

Սեքսում ի սկզբանե բոլորն հավասար են։ Այո, ոմանք ավելի զգայական են, ոմանք՝ պակաս։ Սակայն տեխնիկական կողմից ի ծնե մենք զրո ենք։ Այդ պատճառով որակյալ սեքսի արվեստը սովորելը երբեք ուշ չէ։

№5. Պարտադիր չէ, որ կինն օրգազմ ապրի

Այն էլ ինչպես է պարտադիր։ Աղջիկների 90 տոկոսը կհիշի մի պատմություն, երբ մերձեցման սպասումը հիասթափությամբ է ավարտվել։ Եվ եթե հարաբերությունների սկզբում հուզական ապրումները կարող են փոխհատուցել անորակ սեքսը, ապա հետագայում գեղեցիկ սեռի ներկայացուցիչները կամ ստիպված են գիտակցաբար զոհաբերել իրենց հաճույքը կամ առհասարակ խաչ քաշել իրենց վրա՝ ասելով, թե երեւի պատճառն իմ մեջ է։ Դա ծայրահեղություն է, որը չպետք է լինի։ Եթե դու օրգազմ չես ունենում, ամենայն հավանականությամբ, խնդիրը ոչ թե քո մեջ է, այլ զուգընկերոջ։

№6 Պոռնոֆիլմերը սովորեցնում են սեքսով զբաղվել

Պոռնկագրական ֆիլմերը ներկայացման նման մի բան են, որոնք նկարահանում են տղամարդիկ տղամարդկանց համար։ Ինչպես ցանկացած այլ ֆիլմում, այստեղ կա սցենար, դերասաններ, խաղ։ Գեղեցիկ եւ գրգռող նկարի ստեղծման վրա մի ամբողջ նկարահանող խումբ է աշխատում, նկարահանվում են բազմաթիվ դուբլեր, օգտագործվում են հատուկ առարկաներ, օրինակ, արհեստական սերմնահեղուկ։ Դա բոլորովին էլ որակյալ սեքսի ձեռնարկ չէ։ Պոռնոֆիլմերը ստիպում են մտածել, որ կինը պետք է գրգռվի բառացիորեն ամեն հպումից։ Ցավոք, շատ տղամարդիկ կարծում են, որ եթե կինը չի տնքում հաճույքից, երբ իրենք նրան շոյում են այնպես, ինչպես մետրոյի բռնատեղը, նշանակում է, որ նա ֆրիգիդ է։ Իրականում բանն այն է, որ նման հպումներով հնարավոր է միայն տաքացնել կնոջը ցուրտ ձմեռային երեկոներին։

№7. Կարեւորը G կետը գտնելն է

Առաջին հերթին գիտնականները վաղուց ապացուցել են, որ նման կետ գոյություն չունի։ Նյարդային վերջույթները, որոնց խթանելը կարող է հաճույք պատճառել, գտնվում են ամբողջ մարմնով մեկ։ Երկրորդ հերթին, եթե կինը պարզապես գրգռված չէ, դժվար թե նա հաճույք ստանա։

Այս թեմայով Բրիտանուհին սեռական հարաբերություններ է ունենում ... Էմիլի Ռատակովսկին պաղպաղակ է ուտում ու մեքենայի մեջ սեքսով զբաղվում (Video) Ինչ հետևանքների կարող է բերել հեշտանքի բացակայությունը ինտիմ հարաբերությունների ժամանակ Ինչպես աղջիկը կարող է ակնթարթորեն գրգռել տղամարդուն․ Տեսանյութ Համակուրսեցիների սեռական սկանդալը ձեզ շոկի կենթարկի. կադրերը համացանցում են. ՏԵՍԱՆՅՈՒԹ