Յուվեցի Կարոյի փեսայի մահվան պատճառը հայտնի է. նոր մանրամասներ
Հասարակություն- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- ВКонтакте
- Viber
- Skype
- Telegram
ՀԺ | Ազգային ժողովի նախկին պատգամավոր, ԲՀԿ-ական Յուվեցի Կարո մականվամբ Կարո Կարապետյանի փեսայի՝ Գոռ Առաքելյանի դիակի դատաբժշկական փորձաքննության արդյունքները հայտնի են:
Մեր հարցին ի պատասխան ՀՀ քննչական կոմիտեի նախագահի խորհրդական Սոնա Տռուզյանն ասաց, որ ըստ դատաբժշկական փորձաքննության եզրակացության Առաքելյանը մահացել է հետեւյալ ախտորոշումից. «Գլխուղեղի արյան շրջանառության սուր խանգարում՝ կիսագնդերի հարփորոքային շրջանների իշեմիկ ինսուլտ։ Գլխուղեղի կենսական կարեւոր ֆունկցիաների սուր խանգարում»:
Գոռ Առաքելյանի դին հայտնաբերվել էր հունվարի 27-ին՝ Հրազդանի կիրճում գտնվող «Նաբերեժնի» հյուրանոցային համալիրում: Նրա մահվան հետ կապված մամուլում շրջանառվող վարկածներից մեկն այն է, որ Առաքելյանը մահացել է թմրանյութի չարաշահումից: Նրա մահվան դեպքի առթիվ Քննչական կոմիտեում նյութեր էր նախապատրաստվում:
Առաքելյանը, հիշեցնենք, ամիսներ առաջ էր ազատվել պատժի կրումից՝ Սերժ Սարգսյանի ներմամբ։ Տարիներ առաջ՝ Գոռ Առաքելյանը դատապարտվել էր 6 տարվա ազատազրկման՝ Վերնիսաժում կրակոցներ արձակելու եւ մի քանի հոգու մարմնական վնասվածքներ պատճառելու համար: Նա ամուսնացած էր, ուներ մեկ երեխա։ Գոռ Առաքելյանը ՀՀ նախագահի աշխատակազմի իրավաբանական վարչության աշխատակից Գառնիկ Առաքելյանի եղբայրն էր, իսկ վերջինս Ուկրաինայի դեսպան Անդրանիկ Մանուկյանի փեսան է, երգչուհի Լուսինայի ամուսինը։
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- ВКонтакте
- Viber
- Skype
- Telegram