Աղջիկների անկյուն․ ինչպես խնամել մաշկը 30-ից հետո

Երեսուն տարեկանին մոտ մաշկը սկսում է կորցնել իր առաձգականությունը, ինչի հետևանքով առաջանում են կնճիռներ: Ձեր ուշադրությանն ենք ներկայացնում 5 արդյունավետ խորհուրդ, որոնք կօգնեն հոգ տանել ու խնամել մաշկը և ավելի թարմ ու երիտասարդ տեսք կհաղորդեն:

1. Պիլինգ
Մաշկի մահացած բջիջները պարբերաբար չհեռացնելու դեպքում մաշկի վրա կարող են առաջանալ բշտիկներ, իսկ կնճիռներն էլ ավելի կխորանան: Սա է պատճառը, որ շաբաթական 1-2 անգամ հարկավոր է մաշկը մաքրել մանր մասնիկներով սկրաբով:

2. Մաքրել մաշկն օրական երկու անգամ
Հավանաբար շատերը մինչ օրս էլ չեն սովորել առավոտյան ու երեկոյան լոսյոնով կամ այլ մաքրող միջոցով լվացվել, սակայն տարիքի հետ այդ պրոցեդուրաները պետք է սովորություն դառնան: Կոսմետիկ միջոցների ու մաշկային ճարպի մնացորդները հեռացնելու համար հարկավոր է օրական երկու անգամ մաքրել մաշկը միցելյար ջրով, որը, մասնագետների պնդմամբ, լավագույնն է շուկայում ներկայացված նյութերից:

3. Խնամել աչքերի շուրջ գտնվող մաշկը

Աչքերի շուրջ գտնվող մաշկի համար նախատեսված քսուքները պետք է որակյալ լինել: Ներկայումս կան բազմաթիվ քսուքներ, որոնք anti-age ազդեցություն են ունենում և օգնում են ազատվել ծերացման աջին նշաններից ու մանր կնճիռներից: Սակայն քսուքը պետք է ընտրել տարիքին համապատասխան:

4. SPF պարունակող կոսմետիկ միջոցներ

Արևապաշտպան միջոցները շատ կարևոր են ցանկացած տարիքում, ուստի պետք չէ դրանց մասին մոռանալ: Ընդ որում՝ կարելի է ընտրել SPF-ֆիլտրեր պարունակող ցանկացած կոսմետիկ միջոց՝ ինչպես խնամքի, այնպես էլ դեկորատիվ:

5. Առողջ քուն

Ոչ մի քսուք, սկրաբ կամ լոսյոն չի կարող փոխարինել 8-ժամյա քունը: Քնի ընթացքում օրգանիզմում տեղի է ունենում բջիջների ռեգեներացիայի գործընթացը, արտադրվում է կոլագեն ու էլաստին, որոնք էլ ապահովում են մաշկի առաձգականությունը: