«Ձերդ գերազանցություն պարոն նախարար, խնդրում ենք դադարեցնել ռազմական գործողությունները»․ ինչպես էր դիմում Ադրբեջանը Սամվել Բաբայանին

Ղարաբաղի բանակի նախկին հրամանատար Սամվել Բաբայանն, «Ազատություն» ռադիոկայանի հետ զրույցում հայտարարել է, թե Ադրբեջանը պատրաստվում է լայնամասշտաբ ու երկարատեւ պատերազմի: Politik.am-ի թղթակիցը փորձել է կապ հաստատել քաղաքագետ Սերգեյ Շաքարյանցի հետ և այդ հարցի շուրջ իմանալ նրա տեսակետը.
«Ադրբեջանն ունի համապատասխան նախազգուշացումներ և, մոտ ժամանակներս, այսինքն մինչև սիրիական հարցը չփակվի, չի սկսի լայնամասշտաբ գործողություններ իրականացնել, որովհետև նմանատիպ գործողությունները սպառնում են նաև Իրանի անվատանգությանը և կայունությանը»-, ընդգծել է քաղաքագետը: Նրա կարծիքով, այն պետությունները, այդ թվում և Ադրբեջանը, որոնք հումանիտար օգնություն են ցուցաբերում Իրանին, միանշանակ չեն կարող անցնել պատերազմական գործողությունների, թեև դիվերսիոն ներթափանցումները շարունակական կլինեն այս պահի դրությամբ:
Այն հարցին, թե արդյոք մենք պատրաստ են պատերազմի, քաղաքագետը նշել է․ «Եթե հավատանք այն զեկուցագրերին, համաձայն որոնց մենք ստացել ենք համապատասխան զենքեր և շարունակում ենք ստանալ, ապա գոնե տեխնիկական առումով մենք պատրաստ ենք. նույնը չեմ կարող ասել կադրային առումով, քանի որ տեղյակ չեմ, բայց 95 %-ով մենք պատրաստ ենք ետ մղել ցանկացած գործողություն, որը կծավալվի սահմանին։ Եվ պետք է նշեմ, որ պատերազմը հարցի միակ լուծումը չէ։ Երբ որ ԱՄՆ-ն կամենա Ադրբեջանին թողնել անհույս վիճակում, այսինքն ճնշում գործադրել Թուրքիայի վրա, որ վերջինս դադարի ամեն կարգի ռազմատեխնիկական օգնություն տրամադրել Ադրբեջանին, այդ ժամանակ վերջինս կվերադառնա այն նույն վիճակին, ինչպիսին էր մինչև 1996 թ․ դեկտեմբերը, երբ Բաքվում կնքվեց «դարով գործարք» նավթի շուրջ, որից հետո Ադրբեջանը լկտիացավ, այնինչ մինչ այդ պահը սուսիկ-փուսիկ պաշտոնական նամակներում գրում էր, օրինակ, նույն Սամվել Բաբայանին․ «Ձերդ գերազանցություն պարոն նախարար, խնդրում ենք դադարեցնել ռազմական գործողությունները», և այլն և այլն, և հանդիպում էր ունենում Ղարաբաղի իշխանության ներկայացուցիչների հետ։ Այսինքն, նա այդ քայլով ճանաչում էր Ղարաբաղի Հանարապետությունը»: