Ինչու էին վիճել Էդիկ Ասետրինան և Դեդ Հասանը, և ինչում է մեղադրվում նրա որդին

ՌԴ ՆԳՆ ԳՎ Մոսկվայի քննչական վարչությունն ավարտել է «օրենքով գող» Սերգեյ Ասատրյանի (Սերյոգա Բենթլի) և նրա քեռու` Արթուր Բաղդասարյանի նկատմամբ քրեական գործի հետաքննությունը: Նրանք երկուսն էլ մեղադրվում են շորթման մեջ: Մեղադրվողների ծանոթներն ասում են, որ նրանք փորձել են ստանալ այն գումարը, որը բարեկամները գողացել են բանկի անհատական պահատեղից:
Ինչպես «Росбалт»-ին հայտնել է իրավապահ մարմինների աղբյուր, 2016 թ. հոկտեմբերի 13-ին Սերգեյ Ասատրյանին ու Արթուր Բաղդասարյանին մեղադրանք է ներկայացվել ՌԴ ՔՕ 163-րդ հոդվածի հատկանիշներով` շորթում: Մոտ ժամանակներս նրանք կարող են ծանոթանալ նյութի գործերին:
Քննության վարկածի համաձայն` Կարեն Մխիթարյանը 1,5 մլն դոլար գումարի հետ կապված վեճ է ունեցել իր ազգական Արթուր Բաղդասարյանի հետ: Վերջինս այդ մասին պատմել է Սերգեյ Ասատրյանին, ով էլ որոշել է պաշտպանել քեռու շահերը: Նա սկսել է սպառնալ Մխիթարյանին ու նրա ընտանիքի անդամներին: Կ. Մխիթարյանն ստիպված է եղել թաքնվել: Դա տևել է բավականին երկար ժամանակ: Իսկ իրավապահ մարմիններին նա դիմել է այն ժամանակ, երբ քննության վարկածով` Սերյոգա Բենթլին այրել է նրա ամառանոցը:
Համագործակցելով ոստիկանության աշխատակիցների հետ` Մխիթարյանը հայտնել է Ս. Ասատրյանին, թե իբր պատրաստ է տալ գումարը: Երբ 2015 թ. նոյեմբերի 19-ին Սերգեյ Ասատրյանն ու Արթուր Բաղդասարյանը եկել են գումարի առաջին մասը ստանալու, նրանց ձերբակալել են Մոսկվայի քրեական հետախուզության աշխատակիցները:
Քննության ընթացքում Մխիթարյանը ցուցմունք է տվել, որ իբր սպառնալիքներ ստացել է Էդուարդ Ասատրյանից: Վերջինիս շարասյունով Մոսկվա են բերել այն գաղութից, որտեղ իր պատիժն է կրում թմրանյութեր պահելու համար: Հարցաքննության ժամանակ Էդիկ Օսետրինան իր մեղքը չի ընդունել: Նա հայտարարել է, որ վեճի ժամանակ գտնվել է Հունաստանում, իսկ կողմերին հեռախոսով հորդորել է զերծ մնալ «կտրուկ քայլերից», նաև` իր վերադարձից հետո հավաքվել և բոլոր հարցերը լուծել բարեկամաբար: Առերեսման ժամանակ Մխիթարյանը հաստատել է ավագ Ասատրյանի ցուցմունքները: Արդյունքում Օսետրինային նոր մեղադրանք չի առաջադրվել, ու նրան հետ են ուղարկել իր գաղութ:
Վեճի մասնակիցների ծանոթներն ունեն այս պատմության իրենց տարբերակը: «Բաղդասարյանը 1,2 մլն դոլարով վաճառում էր իր ֆիրմային պատկանող հողամաս և շինություն: Մխիթարյանը գործարքին մասնակցում էր որպես միջնորդ և պետք է ստանար որոշակի տոկոս: Արթուրը վստահում էր իր ազգականին և նրա անունը գրել էր այն մարդկանց ցուցակում, ովքեր կարող էին բացել անհատական պահատեղը, որտեղ դրվել էր գործարքի գումարը: Բայց Կ. Մխիթարյանը պարզապես վերցրել էր այդ ամոբղջ գումարը և մարել իր պարտքերը: Երբ նրանից պահանջել էին վերադարձնել փողը, նա դիմել էր իրավապահ մարմիններին, թե իբր իրենից գումար են ցանկանում շորթել: Բացի այդ, ոչ մի տուն էլ չի այրվել: Այրվել է Մխիթարյանի տանը կից ցախատունը: Ընդ որում, մենք համարում ենք, որ Մխիթարյանն ինքն է հրդեհել իր ցախատունը: Քանի որ հրեհը տեղի է ունեցել Մխիթարյանի` դիմում տալու նախօրեին: Նրա հասցեին ոչ մի սպառնալիք չի հնչել` այնտեղ բոլորը ազգականներ են: Ուղղակի մարդը միջոց է փնտրել, թե ինչպես չտա փողերը և իր խնդիրը այդ ձևով է լուծել: Հարկ է նշել, որ Բաղդասարյանը դիմում է ներկայացրել Մխիթարյանի կողմից գումար գողանալու փաստի առթիվ: Սակայն 1,5 տարի գործին ընթացք չի տրվել: Միայն հիմա են որոշում կայացնելու համար դիմումն ուղարկել Արևմտյան վարչական շրջանի ՆԳՎ»,- կարծիք է հայտնել գործակալության աղբյուրը:
Էդիկ Օսետրինան երկար ժամանակ եղել է Դեդ Հասանի մտերիմներից և նրա «աջ ձեռքը»: Սակայն 2012 թ. նրանք վիճել են ֆինանսական խնդիրների շուրջ: Վերջնականապես բաժանվել են այն բանից հետո, երբ Ուսոյանը և նրա կլանի անդամ Գելա Կարդավան (Գելա) որոշել են «թագից զրկել» ազդեցիկ «օրենքով գող» Բադրի Կոգուաշվիլիին (Բադրի): Վերջինիս պաշտպանել է Էդուարդ Ասատրյանը, ինչից հետո Ուսոյանը դադարել է շփվել Օսետրինայի հետ:
Երբ Դեդ Հասանին սպանել են, Ասատրյանը, իմանալով նրա բոլոր ակտիվների մասին, որոշել է դրանց մեծ մասը սեփական ազդեցության տակ առնել: Նախևառաջ խոսքը Կրանսնոդարի մարզում Ուսոյանի կայսրության մասին է, որտեղ ապրում են հայ շատ գողեր, ովքեր մոտ են Ասատրյանի հետ: Ըստ Ոստիկանության աշխատակիցների` Օսետրինան սկսել է հանդիպել նախկինում Դեդ Հասանի հետ աշխատող գործարարների ու «հեղինակությունների» հետ և նրանց առաջարկել իր հովանավորությունը: Ավելին, Ասատրյանը փորձել է Ուսոյանի կլանի հիման վրա ստեղծել սեփական, ոչ պակաս հզոր կլանը:
Սակայն այդ փորձերի վրա խաչ են քաշել Դեդ Հասանի նախկին աջակիցները, ովքեր 2013 թ. գարնանը «սխոդկաներից» մեկի ժամանակ հաշվեհարդար են տեսել Էդուարդ և Սերգեյ Ասատրյանների հետ:
Դրանից հետո Էդիկ Օսետրինան մեկնել է Հունաստան, բայց 2014-ի գարնանը նորից վերադարձել է Ռուսաստան: Իսկ մի քանի ամիս հետո նրան ձերբակալել են թմրանյութեր պահելու մեղադրանքով:
Սերգեյ Ասատրյանին կարելի է համարձարկորեն համարել քրեական աշխարհի «ոսկե երիտասարդության» ներկայացուցիչ: Նա հագնվում է մոդայի վերջին խոսքի համաձայն, գիշերային ակումբների մշտական այցելու է, ունի թանկարժեք մեքենաների մեծ ավտոպարկ: Ընդ որում, դրանցից նախընտրում է Bentley: Դրա համար էլ նրան անվանել են Սերյոգա Բենթլի:
Վերջին տարիներին Ասատրյան կրտսերը քրեական քրոնիկոնի մշտական մասնակից է: 2010 թ. օգոստոսին ոստիկանությունը կանգնացրել էր թանկարժեք արտաճանապարհային մեքենաների մի շարասյուն, որոնցից մեկում եղել է Սերյոգա Բենթլին: Նրան ուղեկցողների մոտ եղել է զենք և թմրանյութ: 2011 թ. նա դատապարտվել է այն բանի համար, որ կազմակերպել է իր ընտանիքի մասին վատ արտահայտված մի բանտարկյալի ծեծը: 2014 թ. Սերգեյ Ասատրյանը մասնակցել է Մոսկվայում դաղնստանցի հանցագործների հետ «ռազբորկայի», որի ժամանակ ծեծվել է և տեղափոխվել հիվանդանոց:

NYUT.AM