Բժիշկները հիշեցնում են, որ արևայրուքը մաշկի ծերացում է առաջացնում, հետևաբար պետք է իմանալ սոլյարին ճիշտ ընդունելու կանոնները:
Ձմռանը արևային լույսի քչությունը կարող է թուլության և վատ տրամադրության պատճառ հանդիսանալ, քանի որ մեր օրգանիզմը տառապում է վիտամինների պակասությունից ու այն նյութերի, որոնք առաջանում են ուլտրամանուշակագույն ճառագայթների ազդեցությունից:
Բացի դրանից, արևային լույսի պակասությունը մաշկը դարձնում է սպիտակ, իսկ թերությունները՝ ավելի նկատելի: Ձգտելով ավելի լավ տեսք ունենալ, շատ կանայք այցելում են սոլյարիներ: Ուլտրամանուշակագույն ճառագայթը հակաբորբոքային ու բուժող ազդեցություն է թողնում: Բայց բացառված չէ նաև հակառակ ազդեցությունը, քանի որ դա ազդում է մաշկի խորը շերտերի վրա ու վաղաժամ ծերացում է առաջացնում:
Ձմռանը արևայրուքի օգուտի մասին արժե խոսել միայն այն ժամանակ, երբ ուլտրամանուշակագույն ճառագայթն անհրաժեշտ է բուժման նպատակներով: Եթե չարաշահեք, ապա կարող է մաշկի ֆոտոծերացում լինել: Չնայած որ ժամանակակից ուլտրամանուշակագույն ճառագայթի սարքերը վնասակար ճառագայթներ բաց չեն թողնում, շատ խալ ունեցող մարդկանց չափից շատ ճառագայթներ չի կարելի ստանալ:
Մաշկի կարմրություն կամ ուռածություն առաջանալու դեպքում պետք է դադարեցնել սոլյարիի ընդունումն ու մաշկին թաց կտոր դնել, բայց միայն ջրով և ոչ մի դեպքում ալկոհոլով: Մի քանի օրվա ընթացքում հարկավոր է վնասված հատվածները մշակել քսուքներով, բորբոքված երևույթների դեմ պայքարելու համար:
5 «սովորական» բաներ, որոնք ծխելու չափ վնասակար են
1
2
3
4
5
1
2
3
4
5
1
2
3
5
