Դուբայում հետ են բերել փախած արքայադստերը (տեսանյութ)

Դուբայի իշխանությունները հետ են բերել փախուստի դիմած արքայադստերը՝ 32-ամյա Շեյխուհի Լատիֆա Բին Մոհամեդ բին Ռաշիդ ալ Մաքթումին, որը YouTube-ով հայտարարել էր սպասվելիք փախուստի մասին:

Ինչպես նշում է The Guardian-ը՝ քաջատեղյակ աղբյուրի հղումով, նա փախուստի էր դիմել մարտին՝ նավի միջոցով: Սակայն համապատասխան մարմինները հետևել են արքայադստերն ու իջեցրել նավից: Այժմ նա գտնվում է տանը՝ ընտանիքի հետ:

Շեյխուհի Լատիֆան, որը Դուբայի կառավարիչ Շեյխ Մոհամեդ բին Ռաշիդ ալ Մաքթումի դուստրն է, մարտին YouTube-ում տեսանյութ էր հրապարակել ու տեղեկացրել, որ պատրաստվում է փախչել Արաբական Միացյալ Էմիրություններից:

«Չի բացառվում, որ սա կարող է իմ վերջին տեսանյութը լինել: Շուտով պատրաստվում եմ փախչել: Թեև վստահ չեմ վերջնական արդյունքի պահով, բայց 99%-ով դրական եմ տրամադրված:

Բայց եթե այդպես չլինի, ուրեմն այս տեսանյութը կօգնի ինձ, քանի որ միակ բանը, ինչի մասին հայրս մտածում է՝ իր հեղինակությունն է»,-ասել է արքայադուստրը՝  մանրամասնելով, որ նախկինում էլ է փախուստի փորձեր ձեռնարկել:

Այս թեմայով Ահա թե ինչպես են ապրում Դուբայի հարուստ երեխաները․ լուսանկարներ Զարմանալի փաստեր Դուբայի մասին Դուբայի ամանորյա լազերային շոուն գրանցվել է Գինեսի ռեկորդների գրքում (տեսանյութ) Դուբայում տներն էժանացել են Լինդսի Լոհանը փախել է Դուբայ. ինչն է պատճառը