Տիրայր Մուրադյանին ծեծողները․ լուսանկարներ

Իրազեկ քաղաքացիների միավորում կազմակերպությունն իր ֆեյսբուքյան էջում հրապարակել է այն քաղաքացիները լուսանկարները, որոնք, ըստ կազմակերպության, բռնություն են կիրառել լրագրող Տիրայր Մուրադյանի նկատմամբ։

«Այսօր՝ ժամը 08:40-ի մոտակայքում, կառավարության 3-րդ շենքի մոտ քաղաքացիական հագուստով այս երկու ոստիկանները ծեծի են ենթարկել մեր լրագրող Տիրայր Մուրադյանին (ով լրագրողի բեյջ էր կրում)։ Դեպքը տեղի է ունեցել համազգեստավոր ոստիկանների ներկայությամբ, որոնք չեն միջամտել»,– ասվում է կազմակերպության գրառման մեջ։

Նշենք, որ Տիրայր Մուրադյանը հոսպիտալացվել է «Սուրբ Գրիգոր Լուսավորիչ» բժշկական կենտրոն, որտեղ նրան հետազոտել են։

Ավելի վաղ Tert.am–ի հետ զրույցում Տիրայր Մուրադյանը պատմել էր, որ ծեծի է ենթարկվել լրագրողական պարտականությունները կատարելիս: 

Հարցին, թե ինչից է ենթադրել, որ իրեն ծեծողները քաղաքացիական հագուստով ոստիկաններ են, Տիրայր Մուրադյանը պատմել էր. «Ես առավոտից կասկածելի վարքով անձանց էի ֆիքսում, և հետո հավաքի մասնակիցներից մեկն ինձ հայտնեց, որ այդ անձանցից մեկը օպերլիազոր է:

Ես, իհարկե, կփորձեմ, նրա անուն–ազգանունը պարզել, բայց այս պահին միայն՝ այսքանը: Իսկ երկրորդ անձն իր հետ էր: Երբ իրենք նկատեցին, որ իրեն ֆիքսում եմ, իմ տեսադաշտից փորձեցին հեռանալ, սակայն մի քանի րոպե հետո լրիվ անսպասելի հայտնվեցին իմ կողքին՝ ասելով՝ ինչի՞ ես նկարում ու սկսեցին հարվածել»:

Այս թեմայով Հայոց եկեղեցին թուլացնելը, նրա նկատմամբ իշխանություն հաստատելը շատ ավելի ծանրակշիռ զիջում է, քան տարածքները․ Մենուա Սողոմոնյան «Գռաժդանսկի» ոստիկանը խփել է լրագրող Արուս Հակոբյանին․ տեսանյութ Հայրս ծերանոցում էր.շնորհիվ լրագրողների տեղեկացա, որ նա այլևս ողջ չէ.Նաիրա Մովսիսյանը լրատվամիջոցներից է իմացել հոր մահվան լուրը Համացանցում են հայտնվել հայտնի հաղորդավարին ծեծելու կադրերը. Տեսանյութ Պատգամավորներն ու լրագրողները ձնագնդի են խաղում․ տեսանյութ