Ինչպես է տունը պայթում ոստիկանների մտնելուց առաջ․ տեսանյութ

ԱՄՆ Տեխաս նահանգում ոստիկանը հրաշքով փրկվել է գազի պայթյունից՝ գտնվելով գազով լցված տան դռան մոտ: Պայթյունից սպային ընդամենը մի քանի քայլ է բաժանել:

Ինչպես գրում է life.ru-ն, ոստիկանության սպա Թրևիս Հիզերն ահազանգի հետքերով ժամանել է տեղի տներից մեկի մոտ: Հենց այն պահին, երբ նա մոտենալիս է եղել տանը, շինության ներսում տեղի է ունեցել հզոր պայթյուն:

Պայթյունն այնքան ուժեղ է եղել, որ Հիզերը հետ է շպրտվել, իսկ տան մասերն ընկել են նրա ծառայողական մեքենայի վրա: Միջադեպի հետևանքով տուժել է 3 մարդ, նրանցից մեկը հոսպիտալացվել է:

Պայթյունի պատճառ է հանդիսացել առանց վարորդական իրավունքի երթևեկող մի տղամարդ, որը մեքենայով մխրճվել է տան մեջ ու դիպել գազի խողովակաշարին:

Պատմելով դեպքի մասին՝ Հիզերը նշել է, որ ինքը հրաշքով է ողջ մնացել:

«Դա ինչ-որ աստվածային միջամտություն էր, որը պայթյունի պահին ինձ հետ պահեց տնից»,- պատմել է սպան: