Ծխախոտը կրկին թանկացավ

Ավելի քան 20 օր է՝ թանկացել են «Գրանդ տոբակո» ընկերության գրեթե բոլոր տեսակի ծխախոտները: Մեզ ահազանգած քաղաքացիները հայտնեցին, որ դրանք թանկացել են 20 դրամով. «Վիպ տեսակի սիգարետը ժամանակին 250 դրամ էր, հետո դարձավ 270, հետո 300, 350, այսօր արդեն դարձել է 370 դրամ»,- մեզ հետ զրույցում դժգոհեց քաղաքացի Կարեն Պողոսյանը՝ նշելով, որ սրան զուգահեռ՝ ո՛չ թոշակներն են բարձրացվել, ոչ էլ աշխատավարձն է ավելացել. «Տարին նոր է սկսել, արդեն 20 դրամով թանկացրել են, մի հատ 20 էլ տարվա կեսին կթանկացնեն, մի հատ էլ տարվա վերջ»,- կարծիք հայտնեց վանաձորցին. նա, ինչպես նշեց, օրական երեք տուփ սիգարետ է ծխում:

Խանութների վաճառողուհիները մեզ հայտնեցին, որ հիմնականում թանկացել են այն սիգարետները, որոնք ավելի շատ են վաճառվում, իսկ թանկացումն, ըստ վաճառողուհիների, պայմանավորված է ակցիզային հարկի դրույքաչափերի բարձրացման հետ:

Այս թեմայով Ինչու՞ են ծխողները սիրում կուշտ ուտել․ գիտնականներ Գիտափորձ. IQOS vs ծխախոտ - ի՞նչ է տեղի ունենում իրականում Թրքուհիները որոշել են պայքարել՝ ծխելու միջոցով Ծխող կանայք ինչ թիվ են կազմում Հայաստանում IQOS-ն էլեկտրոնային սիգարետ չէ. պարզաբանում