Սամվել Ալեքսանյանը քացով հարվածում է վարորդին․ տեսանյութ

Ազգային ժողովի հանրապետական խմբակցության պատգամավոր Սամվել Ալեքսանյանը նաեւ «Նիգ-Ապարան» հայրենակցական միության նախագահն է։

Այսօր նա հայտարարություն է տարածել, որում ասվում է.

«Այս օրերին բոլորիս ուշադրության կենտրոնում են Երեւանում տեղի ունեցող իրադարձությունները։ Խաղաղ հավաքների ազատությունն այն հիմնարար իրավունքն է, որի վրա  հիմնված են ժողովրդավարական բոլոր համակարգերը:

Խաղաղ ցույցեր եւ երթեր անցկացնելու, իր կարծիքն ու տեսլականը ներկայացնելու իրավունք ունի մեր երկրի յուրաքանչյուր քաղաքացի: Սակայն այդ իրավունքի իրացումը պետք է իրականացվի օրենքի սահմաններում եւ չպետք է ուղեկցվի այլոց իրավունքների խախտմամբ։ Վերջին օրերին ծավալվող իրադարձությունները խորը մտահոգության տեղիք են տալիս։

Բարդ աշխարհաքաղաքական իրավիճակում գտնվող Հայրենիքի համար անդառնալի կորուստներից խուսափելու նպատակով ներքաղաքական կյանքում ստեղծված լարված իրավիճակի միակ հանգուցալումը զսպվածության, հանդուրժողականության եւ փոխադարձ հարգանքի ցուցաբերումն է։

Հայոց ցեղասպանության զոհերի հիշատակի հարգման նախաշեմին կոչ ենք անում քաղաքական գործընթացի շահագրգիռ մասնակիցներին՝ մտահոգող բոլոր հարցերը քննարկել երկխոսության միջոցով, երկխոսությունն այլընտրանք չի կարող ունենալ»:

Իսկ սոցիալական ցանցերում տեսագրություն է հայտնվել, թե ինչպես է Ալեքսանյանը՝ իր կողմնակիցների հետ, հարվածում Մալաթիա-Սեբաստիա վարչական շրջանում բողոքի ակցիա անող մի վարորդի։

Այս թեմայով «Հանգիստ ասինք՝ չհասկացավ»․ Ալեքսանյանը պարզաբանում է՝ ինչու է քացով խփել վարորդին «Ես դրա պատասխանը կտամ»․ Ալեքսանյանը՝ Աշոտյանի մասին / տեսանյութ Ալեքսանյանը կմտնի շոու-բիզնես․ ու՞մ է նա հովանավորելու «Ամուսինս պետք է ավարտած լինի «ինչպես դիմանալ Մարիամին» ֆակուլտետը». Մարիամ Ալեքսանյան․ լուսանկարներ Մարիամ Ալեքսանյանն ու Կարենը` հարսանեկան իրավիճակներում․ լուսանկարներ