Ինչով է Հայաստանը գրավում իրանցի զբոսաշրջիկներին

Իրանից ժամանած զբոսաշրջիկների մեծ մասը նախընտրում էի իր հանգիստը Երեւանում, այլ ոչ թե Հայաստանի այլ քաղաքներում անցկացնել. այստեղ նրանց գրավում են Երեւանի կենտրոնով զբոսանքները, շոփինգը, ինչպես նաեւ համեղ, «հասկանալի» սնունդը: Այս մասին  NEWS.am-ի թղթակցի հետ զրույցում ասել է տուր մենեջեր Ամին Ռեզ Գադիմին, որը իրանցիների համար դեպի Հայատան շրջագայություններ է կազմակերպում:

Նրա խոսքով՝ իրանցիները նախընտրում են Հայաստան գալ մարտին՝ Նովրուզ տոնի ժամանակ, ինչպես նաեւ ամռանը: Երբեմն նրանք գնում են Սեւանա լիճ, բայց հիմնականում գերադասում են ժամանակը Երեւանում անցկացնել՝ զբոսնելով տեղական տեսարժան վայրերով եւ գնումներ կատարելով:

Գադիմիի խոսքով՝ Երեւանի խանութներում իրանցիները կարող են շատ հետաքրքիր իրեր գնել, որոնք հայրենիքում շատ դժվար է գտնել. օրինակ յուրօրինակ ձեռագործ աշխատանքներ:

Հայաստանը Գադիմիի խոսքով՝ Իրանից զբոսաշրջիկներին նաեւ գրավում է նրանով, որ նրա մշակույթն իրենց ծանոթ է եւ հասկանալի, մարդիկ ընկերասեր են եւ բարի, եւ զբոսաշրջիկներն իրենց այստեղ հարմարավետ եւ հանգիստ են զգում: Բացի այդ հայկական խոհանոցը շատ ընդհանուր բաներ ունի իրանական ուստեստների հետ, ուստի դուր է գալիս զբոսաշրջիկներին եւ «հասկանալի է»:

Հայաստան ուղեւորությունը հարեւան երկրի զբոսաշրջիկների համար գրավիչ է նաեւ մատչելի գների պատճառով. ավտոբուսով Երեւան գալու դեպքում, ճանապարհը եւ հյուրանոցում 4 օրը եւ 3 գիշերը ընդամենը 200 դոլար կարժենա: Ճիշտ է՝ ավտոբուսով երկար է տեւում ճանապարհը՝ սահամնին մոտ գտնվող քաղաքներից 11-12 ժամ: Ժամանակը տնտեսելու համար կարելի է Հայաստան գալ ինքնաթիռով, այդպես ավելի հարմարավետ, բայց նաեւ թանկ կլինի՝ տոմսի արժեքը մոտ 150 դոլար է:

Ամին Ռեզ Գադիմին մասնակցում է  «In Tour Expo» ցուցահանդեսին, որն անցկացվում է Yerevan expo համալիրում, ապրիլի 20-22-ը:  Ցուցահանդեսը ներկայացնում է թե որքան մարտչելի եւ մրցունակ է Հայաստանը համաշխարհայիյն զբոսաշրջային շուկայում եւ ինչով այն կարող է զարմացնել զբոսաշրջիկներին 2018-ին: Արդեն 5-րդ անգամ անցկացվող «In Tour Expo»-ին զուգահեռ տեղի է ունենում նաեւ սպորտին նվիրված «SportWay» ցուցադրությունը:

Ցուցահանդեսների տեղեկատվական հովանավորն է NEWS.amգործակալությունը:

Այս թեմայով Մեդալի հակառակ կողմը. իրանցիները՝ լուսանկարներում Երևանում նոր տուրիստական գործակալություն է բացվել Առանց վիզայի քանի՞ երկիր կարող են այցելել հայաստանցիները Իրանի իրավիճակի անսպասելի շրջադարձ Ով տապալվեց Իրանում. Հայաստանի նոր հարեւան