Գյումրիում գործադուլ է
ՀասարակությունԳյումրիում այսօր ոչ միայն դասադուլ է, այլև գործադուլ։ Այս մասին «Առաջին լրատվական»-ի հետ զրույցում ասաց Գյումրիի «Շիրակ» կենտրոնի նախագահ Վահան Թումասյանը։ Նրա խոսքով՝ այսօր վաղ առավոտից, առանց հայտնի առաջնորդների, կազմակերպիչների, մարդիկ՝ կանայք, երեխաներ, պետական և մասնավոր ընկերությունների աշխատանքային կոլեկտիվներ, մեծ երթերով քաղաքի տարբեր հատվածներից՝ ծայրամասերից, կենտրոնական փողոցներից, «Մերժիր Սերժին» կարգախոսներով ուղևորվում են դեպի Գյումրիի Թատերական հրապարակ։
«Ի տարբերություն նախորդ օրերի՝ հանրահավաքները նոր թափ են հավաքել։ Աննկարագրելի ոգևորություն կա, միասնականություն, ամեն ինչ շատ խաղաղ է, հանգիստ»,- ասաց Թումասյանը։
Նրա խոսքով՝ ոստիկանները, ի տարբերություն նախորդ օրերի, այդքան շատ չեն, քանի որ նրանք չեն պատկերացրել, որ մարդիկ այդքան շուտ դուրս կգան փողոց։ «Հիմա մարդիկ քայլում են փողոցներով երթերով, և ոստիկաններ առանձնապես չկան։ Հավանաբար երբ մարդիկ հասնեն Թատերական հրապարակ, այնտեղ արդեն հավաքված կլինեն»,- ասաց Թումասյանը։
Նա նաև նշեց, որ այսօրվա երթերը, գործադուլն ու դասադուլը, ավարտվելու են հանրահավաքով, որը նախատեսված է Թատերական հրապարակում։ Հանրահավաքից հետո համերգ է լինելու Aratta Band հայտնի խմբի կատարմամբ։
«Հայաստանի պառլամենտում որոշ տխմարներ չեն հասկանում, որ ժողովուրդը զզվել է իրենցից, ու որևէ արտաքին միջամտություն չկա»․ Սաակաշվիլի
Փաշինյանը բացահայտել է՝ ինչ կար ուսապարկում
«Ես դա կասեմ անձամբ վարչապետին և պաշտպանության նախարարին». գեներալ Տեր-Գրիգորյանց
Փաշինյանի ռեպը համացանցի նոր հիթերից է. վայելեք / ՏԵՍԱՆՅՈՒԹ
«Սթափվե՛ք, քանի դեռ ուշ չէ». Նիկոլ Փաշինյան
1
2
3
4
5
1
2
3
3
4
