Երեկ մի բան էր ասում, այսօր՝ այլ բան․ պատգամավորի հարցազրույցի ձայնագրությունը
Հասարակություն«Հրապարակը» գրում է․
Երեկ երեկոյան Բարգավաճ Հայաստանի անդամ Հայկ Խաչատրյանը հայտարարեց ԲՀԿ-ից դուրս գալու մասին։ Երեկոյան մեր թղթակիցը խոսել էր նրա հետ եւ նա իր քայլը բացատրել էր ԲՀԿ-ի քաղաքական կեցվածքով, մասնավորապես ասել էր. «Ես կողմ էի, որ ԲՀԿ-ն լինի իրական ընդդիմություն»։ Իսկ ինչու հիմա որոշեցիք դուրս գալ. «Ինձ հետ պահող բան չի եղել, ուղղակի գնացի ԱՄՆ, վերջերս եմ վերադարձել ու վերջնական որոշում կայացրել», մանավանդ Ծառուկյանի վերադարձի հարցը «օդի մեջ» խոսակցություններ են:
Այսօր առավոտից ԲՀԿ-ն եւ ինքը՝ Հայկ Խաչատրյանը հերքում են մեր գրածը, հայտարարելով, որ Խաչատրյանը նման բան չի ասել, նա չի կարծում, որ ԲՀԿ-ն կեղծ ընդդիմություն է։ Որպեսզի թյուրիմացություն չլինի, ընթերցողին ենք ներկայացնում մեր զրույցը արդեն նախկին ԲՀԿ-ական Հայկ Խաչատրյանի հետ՝ բառացի։ Կից ներկայացնում ենք ձայնագրությունը:
-Պարոն Խաչատրյան, ինչու հենց հիմա որոշեցիք դուրս գալ ԲՀԿ-ից:
-Ժամանակը ըտենց չէր, որ ընտրած էր, հիմա պտի ըլնի կամ վաղը պտի ըլնի:
-Ինչո՞վ չէր բավարարում ԲՀԿ-ն ձեր քաղաքական ծրագրերն իրականացնելու համար:
-Դե ընդհանրապես ընդդիմադիր լիներ էլի, էդ էր հիմնական խնդիրը:
-Այսինքն դուք դե՞մ եք, որ ԲՀԿ-ն ընդդիմադիր է:
-Չէ, ես կողմ եմ որ ընդդիմադիր լինի, իսկական ընդդիմություն լինի:
-Բայց իրենք ասում են, որ ընդդիմություն են, հիմա էլ է էդպես…
-Դե ուրեմն ընդդիմություն են /ծիծաղում է/:
-Սահմանադրական փոփոխությունների ժամանակ ձեր քվեարկությամբ արդեն իսկ առանձնացաք կուսակցությունից, ո՞վ կամ ի՞նչը հետ պահեց ձեզ, որպեսզի հենց այն ժամանակ դուրս գայիք ԲՀԿ-ից:
-Էդպես պահող բան չի եղել, ուղղակի էնպես եղավ գնացի բուժումների ԱՄՆ ու չեղավ, հիմա եղավ, նոր եկա:
-Իսկ դուք խոսե՞լ եք իրենց հետ, իրենք ընդունո՞ւմ են, իրենց համարո՞ւմ են կեղծ ընդդիմություն:
-Չէ, չէ, էդ ուղղակի ես ասում եմ: Նորմալ ա նորմալ:
- Հիմա, երբ մանավանդ Ծառուկյանի վերադարձի մասին խոսակցություններն են ակտիվացել, դուք հեռանկարային չեք համարո՞ւմ իր վերադարձը…
-Դե ըտենց խոսում են, ինձ թվում ա էդ ըտենց օդի մեջ խոսակցություններ են: Ես լուրջ չեմ վերաբերվում: Էդ մարդն ասեց էլի, չեմ զբաղվելու քաղաքականությամբ»:
-Իսկ դուք այլ քաղաքական ուժի հետ կհամագործակցե՞ք:
-Հնարավոր ա, հնարավոր, եթե համագործակցեմ էլ, մենակ «Համախմբման» հետ:
1
2
3
4
5
1
2
3
4
5
2
4
