«Լիվերպուլը» ֆանտաստիկ խաղով հաղթեց

«Լիվերպուլը» մեծ քայլ արեց դեպի Չեմպիոնների լիգայի 2017-18 թթ. մրցաշրջանի եզրափակիչ: Երեկ՝ ապրիլի 24-ին, կիսաեզրափակիչ առաջին խաղում սեփական հարկի տակ՝ «Էնֆիլդում», թիմը ֆանտաստիկ հաղթանակ տարավ «Ռոմայի» նկատմամբ: «Մերսիսայդցիներն» առավելության հասան 5:2 հաշվով:

Թիմի կազմում երեկ, հատկապես փայլեց Մոհամեդ Սալահը: Եգիպտացին 2 գոլի հեղինակ դարձավ առաջին խաղակեսի վերջում: Նա աչքի ընկավ 35 եւ 45-րդ րոպեներին: 2 դեպքում էլ գոլային փոխանցումը կատարել էր Ռոբերտո Ֆիրմինոն, որը եւս հիանալի հանդիպում անցկացրեց: 2-րդ խաղակեսի սկզբում Սալահն ինքը գոլային 2 փոխանցում կատարեց: Նախ 56-րդ րոպեին նրա փոխանցումից հետո աչքի ընկավ Սադիո Մանեն, ապա 61-րդ րոպեին՝ Ֆիրմինոն: 68-րդ րոպեին Ջեյմս Միլների փոխանցումից հետո Ֆիրմինոն հաշիվը դարձրեց 5:0:

«Ռոման», սակայն ցույց տվեց, որ հեշտ չի հանձնվելու: 81-րդ րոպեին մրցակցի դարպասը գրավեց Էդին Ջեկոն: 85-րդ րոպեին էլ 11-մետրանոցը հստակ իրացրեց Դիեգո Պերոտին. 5:2: Քառորդ եզրափակչում էլ «Ռոման» առաջին խաղում մրցակցի հարկի տակ պարտվել էր 3 գնդակի տարբերությամբ: 4:1 զիջել էր «Բարսելոնային», իսկ պատասխան խաղում կարողացավ հաղթել 3:0 ու դուրս գալ կիսաեզրափակիչ:

«Ռոմայի» ու «Լիվերպուլի» պատասխան հանդիպումը Հռոմում կկայանա մայիսի 2-ին:

Այսօր տեղի կունենա կիսաեզրափակիչ մյուս խաղը: Մրցաշարի վերջին 2 տարիների գործող չեմպիոն «Ռեալ Մադրիդը» կհյուրընկալվի «Բավարիային»:

Այս թեմայով «Լիվերպուլը» ներկայացրել է նոր համազգեստը (լուսանկարներ) «Լիվերպուլի» ֆուտբոլիստը դատապարտվել է 1 տարվա հասարակական աշխատանքների. ինչ է արել նա Բարսան ու Լիվերպուլը վերջնական համաձայնության եկան «Լիվերպուլն» ընդունեց «Բարսելոնայի» առաջարկը Ինչ է պատրաստվում «Լիվերպուլը» վաճառել «Բարսելոնային»