Ո՞վ կփոխարինի Պուտինին․ հավանական թեկնածուների մեջ նաև հայ կա (տեսանյութ)

Ռուսական և եվրոպական մամուլն ու քաղաքագետները վերջերս Պուտինին ապագայում հնարավոր փոխարինողի մասին սկսել են բազմաթիվ վերլուծություններ հրապարակել: Այս «գործն» առավել արդիական դարձավ, երբ ՌԴ նախագահը վերջերս խոսեց այդ մասին, նշելով, որ Ռուսաստանը պետք է ղեկավարի շատ երիտասարդ, բայց և փորձառու գործիչ: Ո՞ւմ նկատի ուներ Վլադիմիր Վլադիմիրովիչը և ո՞ր ժամանակահատվածի համար: Մասնագետները գլուխ են կոտրում, ապացուցելով այս կամ այն թեկնածուի առավելությունը: Եվրոպական մամուլը թիվ մեկ փոխարինող է համարում ՌԴ վարչապետ Մեդվեդևին: Նա և' երիտասարդ է, և' փորձառու, և' հավատարիմ:

Սակայն մասնագետները գտնում են, որ Պուտինը մի քանի շատ երիտասարդ անձանց շատ բարձր պաշտոնների է նշանակել, որպեսզի հետագայում էլ ավելի բարձր պաշտոնում նշանակի: Նրանց թվում են վերջերս ՌԴ Պետդումայի նախագահ դարձած Վյաչեսլավ Վոլոդինը և Կալինինգրադի նահանգապետ, երկրի ամենաերիտասարդ նահանգապետ (նա 30 տարեկան է) Անտոն Ալիխանովը:

Ըստ Nyut.am-ի աղբյուրների, Անտոն Անդրեյի Ալիխանովը համշենահայ է` Սուխումի քաղաքից:

Անտոն Ալիխանով
Ռուսաստանի Դաշնության նախագահ Վլադիմիր Պուտինի հրամանով Կալինինգրադի մարզի նահանգապետի պաշտոնակատար նշանակված Անտոն Ալիխանովը ամենաերիտասարդ ղեկավարն է Ռուսաստանի պատմության մեջ:
Ալիխանովին Կալինինգրադի մարզի նահանգապետի ժամանակավոր պաշտոնակատար նշանակելու մասին Պուտինի հրամանագիրը ստորագրվել է երիտասարդի 30-ամյակը լրանալուց 3 շաբաթ անց:
Մինչ այս, ՌԴ-ում ամենաերիտասարդ ղեկավարը համարվում էր Կիրովի մարզի նահանգապետ Նիկիտա Բելիխը, ով այդ պաշտոնին էր նշանակվել երբ 33 տարեկան էր:
Անտոն Անդրեյի Ալիխանովը ծնվել է 1986-ի սեպտեմբերի 17-ին` Աբխազական ԻԽՍՀ Սուխումի քաղաքում:
Ունի երկու բարձրագույն կրթություն: Ավարտել է ՌԴ ֆինանսների նախարարության Պետական հարկային ակադեմիան «Ֆինանսներ և վարկ» եւ «իրավագիտություն» մասնագիտացմամբ: Տնտեսագիտական գիտությունների թեկնածու է:
2010-ից աշխատել է ՌԴ արդարադատության նախարարությունում: 2013-ին պետական ծառայության է անցել ՌԴ առևտրի և արդյունաբերության նախարարությունում:
Պարգևատրվել է Ռուսաստանի Դաշնության արդարադատության նախարարության «За усердие» II աստիճանի մեդալով, ՌԴ նախագահի Պատվավոր դիպլոմով:
2015-ի սեպտեմբերի 22-ին նշանակվել է Կալինինգրադի մարզի նահանգապետի տեղակալ:
2016-ի հոկտեմբերից` Կալինինգրադի մարզի նահանգապետի ժամանակավոր պաշտոնականտար:
Ամուսնացած է, ունի երկու զավակ: