Սիդնի Գրիգորյանը` հղիության վերջին փուլի և ամուսնու անակնկալի մասին

Երգչուհի Սիդնի Գրիգորյանը և ամուսինը՝ Ցոլակը, ամռանն արու զավակ կունենան: Օրերս զույգը նշում էր ամուսնության մեկ տարին: Tert.am Life-ի հետ զրույցում Սիդնին խոսեց ամուսնու անակնկալի և մայրանալու շեմին իր զգացողությունների մասին:

Ամուսնության մեկամյակի օրն  առավոտյան ամուսինն աշխատավայրում անակնկալ է մատուցել Սիդնիին՝ նվիրելով խորհրդանշական տորթ ու ծաղիկներ, երեկոյան զույգը միասին է նշել իրենց կյանքի հիշարժան օրը: Սիդնին նշեց, որ չնայած իր ունեցած պատկերացումներին, հղիության մասին լուրն ամուսնուն հատուկ ձևով չի հայտնել:

«Միշտ մտածում էի, որ յուրահատուկ ձևով եմ հայտնելու այդ մասին, բայց քանի որ էմոցիաներս չափից դուրս շատ էին, ինքն ամեն ինչ հասկացավ:)   Հղիությանս լուրն ինձ համար այնքան էմոցիոնալ նորություն էր, որ չէի կարող պահել ու անակնկալի կամ այլ ձևով հայտնել,- ասաց Սիդնին ու անկեղծացավ, որ կյանքի այս փուլում իրեն ավելի կանացի է զգում, ամուսնու կողմից էլ ավելի հոգատար վերաբերմունքի է արժանանում։– Այս փուլում ավելի  սիրված ու գնահատված ես լինում: Բոլորովին այլ զգացողություններ ես ապրում, որոնք երբեք չես կարող համեմատել կյանքիդ այն ժամանակահատվածի հետ, երբ դեռ ամուսնացած չես եղել»:

Նրա խոսքով` դեռ չեն կողմնորոշվել՝ ինչպես են անվանակոչելու իրենց որդուն: Այս հարցում  տարակարծություն ունեն: «Որոշել ենք երեխայի ծննդից հետո, իրեն տեսնելով հասկանանք, ինչ անուն է իրեն սազում, որովհետև տարբեր անուններ ենք քննարկում, բայց դեռ ընդհանուր հայտարարի չենք եկել»,-ասաց նա:

Սիդնին նշեց, որ  մոտենում է հղիության 7-րդ ամսին, սակայն այս ամբողջ ընթացքում աշխատել է իր գեղեցկության սրահում: «Շատ հանգիստ եմ տարել հղիությանս ընթացքը։ Բարեբախտաբար, հղիությունը որևէ կերպ չի ազդել աշխատանքիս վրա: Դեռ պատրաստվում եմ աշխատել: Իսկ երգարվեստն այս փուլում ինձ չի հետաքրքրում»,-ասաց նա:

Երգչուհին ասաց, որ ի տարբերություն հղիության սկզբնական փուլին, այս շրջանում իր մեջ փոքր–ինչ վախ կա: «Սկզբում այդքան չես գիտակցում փոփոխությունը, մտածում ես՝ բավականին ժամանակ կա, բայց օրեցօր հասկանում ես, որ ժամանակը կրճատվում է, պատասխանատվության զգացումը` մեծանում:  Գիտակցում ես, որ ևս մի կյանք քեզնից է կախված լինելու»,-եզրափակեց նա:

Այս թեմայով Նառա Սարգսյանը՝ հղիության, բալիկի սեռի և անվան ընտրության մասին Գիտնականները պարզել են՝ որ տարիքում ծննդաբերելն է ամենաճիշտը Աղջիկը հյուրանոցի համարում ինքնուրույն ծննդաբերել է․ լուսանկարներ Ինչո՞ւ են հղիներին հաճախ խորհուրդ տալիս լյարդ և փայծաղ ուտել Կեսարյան հատման մասին ամենասարսափելի փաստերը, որ ոչ մի կին չի ցանկանում բարձրաձայնել