Աղջիկը հյուրանոցի համարում ինքնուրույն ծննդաբերել է․ լուսանկարներ

ԱՄՆ բնակչուհի՝ Թիա Ֆրիմենը որդուն ծնել է Թուրքիայի հյուրանոցային համարում՝ դիտելով YouTube-ի եւ WikiHow-ի տեսադասերը: Այս մասին նա հայտնել է Twitter-ի միկրոբլոգների իր էջում:

22-ամյա ամերիկուհին իր հղիությանը տեղեկացել է միայն վերջին եռամսյակում: Նա ճանապարհորդությունից առաջ թեստ է կատարել, սակայն չէր սպասում, որ երեխան ժամկետից վաղ կծնվի: Ֆրիմենի խոսքով՝ մի քանի ամսում իր քաշը գործնականում չէր ավելացել, իսկ դաշտանի բացակայությունը նա վերագրել է հակաբեղմնավորման միջոցներին:

Ապագա մայրիկը առաջին ամսվա մեջ ոչ մեկին իր հղիության մասին չի ասել: Նա ցանկանում էր Գերմանիա մեկնել եւ ընկերոջն այցելել, այնուհետեւ Նահանգներ վերադառնալ եւ այնտեղ ծննդաբերել: Սակայն երկունքի ցավերը սկսվել են Ստամբուլում օդանավը փոխելու ժամանակ:

Աղջիկը չէր կարողանում հասկանալ, թե ինչ է կատարվում. սկզբում նա մտածել է, թե թունավորվել է օդանավում կերած ձկից: Նա կարծում էր, որ ծննդաբերությանը դեռ շատ ժամանակ կա, իսկ ջրերը չէին գնացել: Ֆրիմենն այնուհետեւ Google որոնման համակարգով գտել է ախտանիշները եւ հասկացել, որ երեխան արդեն ծնվում է:

Թիան որոշել է ծննդաբերել առանց բժիշկների. նա համոզված էր, որ չի կարողանա նրանց հետ անգլերենով նորմալ հաղորդակցվել, ուստի գնացել է տեղի հյուրանոց եւ համացանցում դասընթացային նյութեր գտել: Նա սկզբում WikiHow պորտալում հոդված է կարդացել պորտը կտրելու մասին, իսկ հետո YouTube-ում մի քանի հոլովակ է դիտել:

Հրահանգներին հետեւելով՝ Ֆրիմենը վաննան ջրով է լցրել, կանգնել է հարմար դիրքով, կծել է սրբիչը եւ սկսել ուժ տալ: Երեխան գրեթե անմիջապես «դուրս է թռել»: Բոլոր գործողություններն ավարտելով՝ նա կերակրել է իր նորածնին եւ պառկել քնելու:

Հաջորդ օրը աղջիկը երեխայի հետ, ում Քսավյե է անվանակոչել, օդանավակայան է գնացել. նա հասկանում էր, որ իրեն թույլ չեն տա թռչել, սակայն ցանկանում էր իմանալ, թե հիմա ինչ պետք է անի: Դրանից հետո գնացել է ամերիկյան հյուպատոսարան, որտեղ դիմում է ներկայացրել ծննդյան վկայական ստանալու համար: Հիվանդանոցում նրան հավաստիացրել են, որ ինքն էլ, որդին էլ բացարձակ առողջ են:

Այս թեմայով Նառա Սարգսյանը՝ հղիության, բալիկի սեռի և անվան ընտրության մասին Գիտնականները պարզել են՝ որ տարիքում ծննդաբերելն է ամենաճիշտը Սիդնի Գրիգորյանը` հղիության վերջին փուլի և ամուսնու անակնկալի մասին Ինչո՞ւ են հղիներին հաճախ խորհուրդ տալիս լյարդ և փայծաղ ուտել Կեսարյան հատման մասին ամենասարսափելի փաստերը, որ ոչ մի կին չի ցանկանում բարձրաձայնել