Սոդայի անսպասելի բուժիչ հատկություն է հայտնաբերվել

Կերակրի սոդայի օգտագործումը բորբոքումը զգալիորեն նվազեցնում է այնպիսի աուտոիմունային հիվանդությունների դեպքում, ինչպիսին ռեւմատոիդային արթրիտն է: Հետազոտությունների արդյունքները հրապարակվել են Journal of Immunology ամսագրում:

Այս հիվանդության ժամանակ իմունային համակարգը գրոհում է հոդերի վրա՝ առաջացնելով բորբոքում, ինչը եւ ցավի զգացողություններ է առաջացնում: Փորձի ընթացքում կամավորները 2 շաբաթ սոդայաջուր են խմել, եւ Ջորջիա նահանգի բժշկական քոլեջի գիտնականները գրանցել են բորոբոքումն առաջացնող T բջիջների քանակության նվազում: Գիտնականներն ապացուցել են, որ կերակրի սոդայի օրական դոզան կարող է ոչ միայն հոդերում ցավը մեղմել, այլեւ վերջնականապես հաղթել ռեւմատոիդային արթրիտը: Հետազոտության հեղինակ եւ բժշկագիտության դոկտոր Փոլ Օ՛Քոնորը պնդում է, որ սոդայի լուծույթը բարելավում է հոդերում արյան շրջանառությունը եւ ապահովում հյուսվածքաին սնուցումը:

Սոդայի բիկարբոնատը նվազեցնում է օրգանիզմի իմունային «պատասխանը», որն արթրիտի դեպքում գործում է ոչ թե հարուցիչների, այլ ինքն իր դեմ: Համենայնդեպս, էֆեկտը 4 ժամ է տեւում:

Կերակրի սոդայի լուծույթները կարգավորում են նաեւ հոդերում փոխանակության պրոցեսները, ինչպես նաեւ ցավազրկող ազդեցություն են ունենում եւ հիվանդի վիճակը թեթեւացնում են: Սակայն բժիշկները խորհուրդ են տալիս կերակրի սոդա ընդունելուց առաջ խորհրդակցել բուժող բժշկի հետ:

Ռեւմատոիդային արթրիտը կանանց 3 անգամ ավելի հաճախ է ախտահարում, քան տղամարդկանց: Առավել հաճախ առաջանում է 40-ից 50 տարեկան միջակայքում: Հիվանդության առաջացման ստույգ պատճառը հայտնի չէ, սակայն վտանգի գործոնների թվում են ծխելը, ճաշացանկում կարմիր միսը եւ սուրճի հանդեպ սերը:

Այս թեմայով Սոդայի կիրառման տարբերակներ, որոնք ձեզ անակնկալի կբերեն Ինչպես նիհարել սոդայի օգնությամբ