«Պուտինն ո՞վ ա․ եթե ռուսների հետ եք, ուրեմն քաշված ենք»․ Ռուբեն Հախվերդյան

Առավոտ | «Ռուսն իր խաղն է խաղում. Ռուսաստանի «ցարը» բերեց Կարեն Կարապետյանին, որ Սերժ Սարգսյան կերպարը դուրս գա, հետո՝ «սղացնի» Կարեն Կարապետյանին: Սերժ Սարգսյանը ԱՄՆ-ում բիզնեսներ ու տներ ունի: Ռոբերտ Քոչարյանն էլ ընդերքը թալանեց»,-«Բլից ինֆո» մամուլի ակումբում այսօր լրագրողների հետ հանդիպմանը հայտարարեց երգիչ Ռուբեն Հախվերդյանը:

«Հիմա եթե Կարեն Կարապետյանը գա(նկատի ունի՝ գա իշխանության՝ ընտրվելով վարչապետ), էլի ղարաբաղյան կլանի առաջ ենք կանգնելու: Նա երկու անգամ թանկ գազ է վաճառել մեր վրա»,-հավելեց Հախվերդյանը:

Նա համոզմունք հայտնեց, որ ՀՀ ներկայիս առանցքային պաշտոնյաներին Պուտինն է «բերել». «Բայց Պուտինն ո՞վ է…նրանց մտավորականության մեծ մասը դեմ է Պուտինին: Եթե ռուսների հետ եք, ուրեմն քաշված ենք:  Զզվանքով եմ լսում շուռ տված հայերին, որոնք Ուկրաինայի դեմ են խոսում Սոլովյովի հետ հարցազրույցներում: Ամենավտանգավոր հայերը Ռուսաստանում ապրողներն են՝ ռսի հաց ուտողները, ռսի կնոջ հետ ամուսնացողները»:

 «Նիկոլ Փաշինյանը դիպլոմ չի ստացել…նա իր դասախոսներին մեղադրել է կաշառակերության մեջ: Ես էլ դպրոց գրեթե չեմ ավարտել, դիպլոմս էլ կասկածելի է: Երկու դասագիրք եմ վառել-շպրտել դասախոսիս երեսին»,-«Բլից ինֆո» մամուլի ակումբում այսօր լրագրողների հետ հանդիպմանն անդրադառնալով շահարկումներին, թե «Իմ քայլը» շարժման առաջնորդ Նիկոլ Փաշինյանը դիպլոմ չունի, ասաց երգիչ Ռուբեն Հախվերդյանը:

Նրա խոսքով՝ դիպլոմը նշանակություն չունի. «Փաշինյանը գրագետ ու խելացի է: Մինչդեռ կառավարության մեջ մարդիկ կան, որոնք հայերենից են վախենում, հայերենն էլ իրենցից»:

Հախվերդյանը նշեց՝ իրեն չի հետաքրքրում, թե Փաշինյանը մինչեւ ժողովրդական այս շարժումն ինչպիսի քաղաքական կերպար է ունեցել: «Նա միշտ էլ չափավոր ճշմարտախոս է եղել: Այն, ինչ նա անում է, պիտանի է հասարակության համար»,-համոզմունք հայտնեց նա:

Այս թեմայով Պետք է ամեն ինչ անել, որ հին օլիգարխը չփոխարինվի նորով. Ռուբեն Վարդանյան Ռուբեն Հայրապետյանը` ծառայությունից խուսափած հայ ֆուտբոլիստի մասին «Եթե կա մեկն, ով կասկածում է խոսքիս տերը լինելուն...». Ռուբեն Հայրապետյան Ֆուտբոլի ֆեդերացիան սկանդալային խաղի կապակցությամբ հանդես է եկել հայտարարությամբ Սկանդալ․ Ռուբեն Հայրապետյանը դիմել է իրավապահներին՝ «ծախված խաղի» վերաբերյալ