«Գեղ կայնի՝ գերան կկոտրի»․ Շմայսը պատրաստ է պատասխան տալ իր արածների համար

ՀՀԿ-ական նախկին պատգամավոր Առաքել Մովսիսյանը՝ Շմայսը չի ցանկանում որևէ բան ասել՝ ՀՀԿ պե՞տք է մայիսի մեկին կողմ քվեարկի Նիկոլ Փաշինյանի վարչապետությանը, թե՞ ոչ։ «Կուսակցությունը թող որոշում կայացնի։ Ես Ազգային ժողովում չեմ, որ որոշեմ»,-այսօր Hraparak.am-ի հետ զրույցում ասաց նա։

-Դուք կընդունե՞ք Նիկոլ Փաշինյանի վարչապետությունը։

-Մենք մի հատ դրոշակ ունենք, հասկացա՞ր ինձի, Հայաստանի Հանրապետության դրոշը։

-Այդ դրոշակի ներքո հիմա իշխանություն է փոխվում, պարոն Մովսիսյան։

-Դրոշակը չի փոխվում, չէ՞։ Եռագույն դրոշը մնում ա, չէ՞։

-Բայց Հանրապետականն է փոխվում։

-Ի՞նչ ես խոսում, ասում եմ՝ եռագույն դրոշի ներքո, հասկացա՞ր։ Հանրապետականը թող որոշում կայացնի, ես ունեմ մի հատ դրոշ, եթե դու մի քանի հատ ունես, դա արդեն քո խնդիրն ա։

-Բոլորս էլ մի դրոշ ունենք։ Ամեն դեպքում քաղաքական իրավիճակ է փոխվում այսօր․․․

-Ժողովրդի կամքի թելադրածով պիտի տենց ապրենք, փոխվում ա, պիտի փոխված վիճակում ապրենք, ամեն մեկը իրա բանով․․․ Ոչ պաշտոն ենք ուզում, ոչ կուսակցություն ենք փոխում, ոչ մի բան։ Կուսակցությունը իմ մեկն ա, եթե կվերանա, էլի չեմ մտնի ոչ մի տեղ։ Չնայած՝ չեմ կարծում, չի կարա վերանա, բայց եթե, Աստված մի արասցե, վերանա, ոչ մի կուսակցություն երբևիցե չեմ մտնի, քաղաքականությունով չեմ զբաղվի, 30 տարի զբաղվել եմ, հերիք ա։ Հիմի ժողովրդի կամքն ա թելադրվել, նույն ձևի մեր դրոշին ենք մենք ծառայում, մեր ազգին։

-Սպասելի՞ էր Ձեզ համար, որ Սերժ Սարգսյանը հրաժարական կտա ժողովրդի ճնշման արդյունքում ու կհեռանա իշխանությունից։

-Ես չգիտեմ՝ կհեռանա իշխանությունից, որտեղ կլինի, ինքը իմ ընկերն ա մնում, մարտական ընկերը։

-Իսկ Նիկոլ Փաշինյանի այս շարժմանը ո՞նց եք վերաբերվում, ի վերջո ժողովուրդը դուրս եկավ փողոց ու պահանջեց Սերժ Սարգսյանի ու ՀՀԿ-ի հեռացումը։

-Ցավդ տանեմ, հեռացնել չի․․․ ո՞նց են ասում, գեղ կայնի՝ գերան կկոտրի, ժողովրդի կամքը թելադրելով՝ մեր հանրապետության վարչապետը կամ կուսակցության նախագան՝ Սերժ Ազատի Սարգսյանը, երկար մտածելուց հետո, ինձ թվում ա, որ ճիշտը դա էր, որ ժողովրդից որևէ մեկի մազը չծռվի․․․

մանրամասն՝ կայքում

Այս թեմայով «Հայաստանի պառլամենտում որոշ տխմարներ չեն հասկանում, որ ժողովուրդը զզվել է իրենցից, ու որևէ արտաքին միջամտություն չկա»․ Սաակաշվիլի Փաշինյանը բացահայտել է՝ ինչ կար ուսապարկում «Ես դա կասեմ անձամբ վարչապետին և պաշտպանության նախարարին». գեներալ Տեր-Գրիգորյանց Փաշինյանի ռեպը համացանցի նոր հիթերից է. վայելեք / ՏԵՍԱՆՅՈՒԹ «Սթափվե՛ք, քանի դեռ ուշ չէ». Նիկոլ Փաշինյան