Աղի օգտագործման 6 հնարամիտ եղանակ, որոնք պետք կգան կենցաղում

Աղի արդյունահանման մասին առաջին տեղեկությունները հայտնվել են 4-5 հազար տարի առաջ: Եվ մինչ օրս այն կազմում է մեր առօրյա կյանքի անբաժան մասը: Մարդիկ ժամանակի ընթացքում սննդից բացի աղի կիրառման նոր արդյունավետ եղանակներ են հնարել: Այս մասին գրելով՝ AdMe.ru-ն ներկայացնում այդ եղանակներից մի քանիսը:

1.     Յուղը մաքրել չուգունե սպասքից

Անհրաժեշտ է 1 բաժակ աղը ցանել յուղոտ մակերևույթին: Այնուհետև սովորական խոհանոցային սրբիչով մաքրել կեղտոտ հատվածը:

2.     Հետքերն ու բծերը վերացնել փայտե տախտակից

Խոշոր աղը պետք է ցանել փայտե մակերևույթի վրա, այնուհետև կիսած կիտրոնով անցնել տախտակի վրայով, որից հետո պետք է թողնել կիտրոնահյութը ներծծվի և լվանալ ջրով:

3.     Ծաղկամանը մաքրել նստվածքից

Դեղնավուն նստվածքը կարելի է վերացնել աղի խիտ լուծույթի օգնությամբ, որը պետք է լցնել ծաղկամանի մեջ, լավ թափահարել, այնուհետև լվանալ մեծ քանակությամբ ջրով:

4.     Պաշտպանել պանիրը բորբոսից

Որպեսզի պանիրը չպատվի բորբոսով, այն պետք է փաթաթել աղաջրով թրջված կտորով:

5.     Հանել սուրճի դառնությունը

Սուրճի համը բացելու և դառնությունը վերացնելու համար կարելի է չնչին քանակությամբ աղ ավելացնել արդեն եփած սուրճի մեջ:  

6.     Սպիտակեցնել կտորեղենը

Ժամանակի հետ դեղնած բարձի երեսները և ոչ միայն կարելի է սպիտակեցնել պարզ եղանակով: Անհրաժեշտ է խառնել 1 ճաշի գդալ աղը և ¼ բաժակ կերակրի սոդան: Ստացված խառնուրդը լցնել եռացող ջրով կաթսայի մեջ և մեկ ժամվա ընթացքում այդ լուծույթում պահել դեղնած կտորը՝ չթողնելով, որ ջուրը սառչի: