Պյութագորասի երկարակեցության գաղտնիքը մեղրն էր: Նեկտարահամ քաղցրանուշ ամեն օր ուտում էր նաև Դեմոկրիտը: Հիպոկրատի դեղատոմսերում էլ անպակաս էր մեղրը: Միջնադարի հայ բժիշկները նույնպես շատ են օգտագործել մեղրով պատրաստված սպեղանիներ: Ժամանակակից բժկությունն էլ այսօր շարունակում են տարբեր հիվանդությունների դեմ պայքարում դիմել մեղուների պարգևած «հրաշքին»:
- Մեղրը օրգանիզմը պաշտպանում է քաղցկեղից և սրտի հիվանդությունից: Այն պարունակում է սննդային հզոր հակաօքսիդիչներ՝ ֆլավոնոիդներ: Ըստ ժողովրդական բժշկության մեղրով կարելի է բուժել ստամոքսի և տասներկումատնյա աղիի խոցը և աղեստամոքսային համակարգի այլ հիվանդություններ:
Եթե ունեք խոցային հիվանդություն, ապա առավոտյան տաք ջրով լուծած 30 գ մեղր կերեք, ցերեկը` 40 գ՝ և երեկոյան` 30 գ, ուտելուց 1,5-2 ժամ առաջ կամ 3 ժամ հետո:
- Մեղրը շտապ օգնություն է նաև մրսածության ժամանակ: Սովորաբար այն լուծում են կաթի մեջ (մեկ ճաշի գդալ մեղրը՝ մեկ բաժակ տաք կաթում) կամ խառնում կիտրոնի հյութի հետ (0,5-1 կիտրոն՝ 100 գ մեղրի հետ):
- Մեղրի օգնությամբ կարող եք կարգավորել արյան մեջ շաքարի քանակը: Հենց մեղրն է կատարյալ սնունդ համարվում լյարդի համար, քանի որ ֆրուկտոզայի և գլյուկոզայի հարաբերակցությունը դրանում գրեթե հավասար է:
- Մեղրն ազատում է մաշկային հիվանդություններից և պայքարում օրգանիզմի ծերացման դեմ: Երբ մաշկի վնասված մասերին մեղր եք քսում՝ արյան հոսքն արագանում է, վերքը մաքրվում է, լավացնում է բջիջների սնունդը և սպանում մանրէները:
Երեկոյան կարելի է լվացվել մեղրաջրով (1 ճաշի գդալ մեղրը՝ 2 բաժակ տաք ջրում):
- Մեղրը հիանալի պրոբիոտիկ է: Այն լավացնում է մարսողությունը և վերականգնում օրգանիզմի օգտակար միկրոֆլորան, քանի որ ներառում է վեց տեսակի լակտոբացիլ և չորս տեսակի բիֆիդոբակտերիա:
- Մեղրը բնական հակադեպրեսանտ է: Համարվում է, որ այն մարդիկ, ովքեր մեղր են ուտում առավոտյան, ավելի հեշտ են հաղթահարում մշտական հոգնածության համախտանիշը:
- Մեղրն օգտակար է ուղեղի աշխատանքի համար: Խորհուրդ է տրվում առավոտյան մի քիչ մեղր ուտելը: Սպիտակուցային սնունդը, որն անհրաժեշտ է մկանային գործունեությունը խթանելու համար, օրգանիզմը պետք է ստանա ժամը 11-12-ին: Իսկ ժամը 7-9-ը ավելի կարևոր է, որ ուղեղը տրամադրվի աշխատանքին:
1
2
3
4
5
1
2
4
1
2
3
4
5
