Լրագրողը բարձրախոսով խփել է ուղիղ եթերում իրեն անպարկեշտ պահող երկրպագուին․ տեսանյութ
ՍպորտFox Sports Mexico հեռուստաալիքի լրագրող Մարիա Ֆերնանդա Մորան բարձրախոսով հարձակվել է ֆուտբոլային երկրպագուի վրա, որը սկսել է նրան շոյել եթերի ժամանակ, փոխանցում է «ՌԻԱ Նովոստի»–ն։
Մորան ռեպորտաժ էր անում Գվադալախարա քաղաքի մարզադաշտից, որտեղ տեղի հավաքականը հաղթանակ էր տարել Տորոնտոյի ակումբի նկատմամբ։ Աղջկան շրջապատել են հաղթանակը տոնող երկրպագուները, իսկ նրա ետեւում կանգնած տղամարդը սկսել է դիպչել նրան։
Մորան թույլ է տվել օպերատորին մինչեւ վերջ նկարահանել տեսանյութը, ապա շրջվել է եւ երկրպագուին հարվածել է բարձրախոսով։
Մորան իր թվիթերյան էջում գրել է, որ չի զղջում իր արձագանքի համար։
«Այն ինչ տեղի ունեցավ ինձ հետ ուրբաթ, հասարակական վայրերում հազարավոր կանանց հետ է լինում ամեն օր։ Տարբերությունն այն էր, որ իմ պարագայում դա տեղի էր ունենում ուղիղ միացման ժամանակ, եւ ես որոշեցի պաշտպանել ինձ»,–նրա խոսքը մեջբերում է Daily Mail–ը։
Թվիթերյան օգտատերերը սատարել են լրագրողին #UnaSomosTodas (Մեկը ինչպես բոլորս) հեշթեգի միջոցով։
1
2
3
4
5
2
3
4
5
2
3
4
