Հոգեբանը՝ Փաշինյանի հոգեվիճակի մասին

Հայաստանում տեղի ունեցած իրադարձությունները բարձրացրել են երկրի հեղինակությունը: Այս մասին մայիսի 16-ին լրագրողների հետ հանդիպման ժամանակ հայտարարեց հոգեբան Սամվել Խուդոյանը:

Ներկայացնելով վարչապետ Նիկոլ Փաշինյանի հոգեբանական կերպարը՝ Խուդոյանը նշեց, որ բնութագրելու համար լավ կլիներ անձամբ շփվել, սակայն հեռվից եւս, դատելով ելույթներից եւ քայլերից, կարելի է որոշակի դատողություններ անել: Խուդոյանի խոսքով՝ ինտելեկտի  առումով Փաշինյանը բավականին խելացի մարդ է, իսկ սուր հումորը նրա նշանն է: Որքան ցածր է ինտելեկտը, այնքան ավելի ցածր է հումորի զգացումը: Սակայն սարկազմը վկայում է ագրեսիայի բարձր մակարդակի մասին: Գոյություն ունեն նաեւ ավտորիտար պահեր:

«Նա գտնվում է կյանքի ճգնաժամային փուլում, որը կոչվում է միջին տարիքի ճգնաժամ: Այս տարիքի տղամարդկանց հատուկ է ապակառուցողականության բարձր մակարդակ: Դա, ըստ Ֆրեյդի, կապված է մահվան գիտակցման սկիզբի հետ»,- ասաց Խուդոյանը: Պետական այրի համար դրական երկու հատկանիշ կա՝ արդարություն եւ հայրենասիրություն: Նա սիրում է ցուցադրական բաներ անել, ինչը, ընդհանուր առմամբ, վատ չէ է եւ նպաստում է փողոցային հռետորությունը: Թեպետ Փաշինյանի հռետորական տաղանդը հոգեբանն առանձնահատուկ չի համարում:

Հոգեբանի կարծիքով՝ կարգախոսներն ու կոչերը գրավիչ էին, այդ թվում՝ ագրեսիայից հրաժարվելու կոչերը: Հենց դա էլ զինաթափել էր իշխանություններին: «Թեեւ թմբուկներն ու ազդանշանները, իհարկե, լարում էին մթնոլորտը», - ասաց հոգեբանը:
Հոգեբանը համաձայնեց կարծիքի հետ, որ այժմ ընթանում է Նիկոլ Փաշինյանի աստվածացման գործընթացը, որը հղի է չափազանց բարձր պահանջներով: «Մարդիկ ընկալում են ամենը սեւ եւ սպիտակ գույներով», - ասաց հոգեբանը: