Դարյա Կլյուկինան փողի դիմաց հանդիպում է տղամարդկանց հետ

Վերջերս մենք արդեն հայտնել էինք, որ Եգոր Քրիդը լքել է «Ամուրի»  հեռուստանախագծի հաղթող Դարյա Կլյուկինային։ Եգոր Քրիդը հենց այն ամուրին է, ով նախագծում իր համար ընտրել էր  հարսնացու՝ Դարյային, սակայն նախագծի ավարտից հետո երիտասարդներն այլևս  չեն հանդիպում։ Եգորը համակրում էր   շոուի եզրափակչի մեկ այլ մասնակցի՝ Վիկտորիա Կորոտկովային, սակայն հեռուստանախագծի պրոդյուսերները որոշել են, որ Կլյուկինան պետք է հաղթի, քանի որ հանդիսատեսի համակրանքը նրա կողմն էր։

Հիմա, ինչպես գրում է StarHit-ը, Կլյուկինայի մասին զանազան լուրեր  են պտտվում։ Ամենահաճախ կրկնվող պատմություններից մեկն այն է, որ աղջիկը ժամանակին փողի դիմաց հանդիպել է տղամարդկանց հետ ։ Մասնավորապես չարակամ մարդիկ վստահեցնում էին, որ մոդելը էսկորտ ծառայություններով է փող վաստակել։ Նրա ծանոթներն ուղղակիորեն չեն հաստատել այդ ենթադրությունները, սակայն խոստովանել են, որ աղջկան հաճախ էին տեսնում բավականին բարեկեցիկ տղամարդկանց հետ։

«Դաշան հանդիպում էր տղամարդկանց հետ հանուն փողի»,- մեջբերում է  StarHit-ըԴարյա Կլյուկինայի նախկին ընկերուհուն։ «Մի երկրպագուի նույնիսկ ներքնազգեստով լուսանկար  էր  ուղարկել։ Իսկ երբ որոշել է լքել նրան, նախկին սիրեցյալը սկսել է շանտաժի ենթարկել  աղջկան, ասելով, որ լուսանկարները կհրապարակի համացանցում»,- հավելել է նա։ Չնայած, այդ ժամանակ մոդելի ինտիմ լուսանկարները  չէին հրապարակվել։

Իսկ երբ Դարյա Կլյուկինան  հեռացել է «Ամուրի» շոուի նախորդ եթերաշրջանից,  որտեղ աղջիկները պայքարում էին դերասան Իլյա Գլիննիկովի սրտի համար  ու հայտնվել  բարդ նյութական իրավիճակում, նա  շտապել է հարաբերություններ սկսել Սերգեյ անունով դիջեյի հետ՝ N-Joy դուետից։ «Տղան սիրահարվել է, իսկ Դարյան ընդամենը օգտագործում էր նրան»,- բացատրել են Դարյայի ծանոթները։

Դատելով մոդելի ծանոթների պատմածներից՝ աղջիկը նրա հետ հանդիպում էր հանուն բնակարանի, իսկ երբ հորիզոնում նոր հեռանկարներ են հայտնվել, ապա առանց տարակուսելու լքել է իր սիրեցյալին։ «Երբ Դաշային նորից ընդգրկեցին հեռուստանախագծում, նա արագ հավաքեց իր իրերը ու անհետացավ։ Իսկ Սերյոգան տառապում էր»,- պատմել են ծանոթները։