Որն է Նախագահի 36-ամյա դստեր իդեալական մարմնի գաղտնիքը

ԱՄՆ նախագահի դուստր Իվանկա Թրամփը վերջին տարիներին համարվում է ԱՄՆ-ի ամենագրավիչ կանանցից մեկը։

36-ամյա Իվանկան ունի երեք երեխա, սակայն, չնայած դրան, բոլորին հիացնում է իր գեղեցիկ կազմվածքով։

Wnews.am-ը ներկայացնում է բիզնես-կին, մայր եւ քաղաքական գործիչ Իվանկա Թրամփի բարեկազմ մարմնի գաղտնիքները։

Սնունդ.

Իվանկայի սննդակարգի բաղկացուցիչ մասն է կազմում վայրի սաղմոնը։Դրա հիմնական օգուտը օմեգա -3 օգտակար յուղերն են, որոնք լավացնում են արյան շրջանառությունը, դրական ազդում մաշկի գույնի եւ առաձգականության վրա։ Ի դեպ, սաղմոնը նախընտրում է նաեւ Վիկտորիա Բեքհեմը։

Իվանկա Թրամփն ամեն առավոտ վարսահատիկի փաթիլներ է ուտում։ Դա ոչ միայն իր, այլ նաեւ երեխաների սիրելի նախաճաշն է, որը պատրաստում են հատապտուղներով, ընդեղենով։

Բացի այս, 36-ամյա Իվանկան շաբաթը մեկ դետոկս է իրականացնում հատուկ ըմպելիքի միջոցով. խմում շուրջ երկու լիտր ջուր՝ կիտրոնով եւ վարունգով։

Սպորտ.

Առաջին հղիությունից հետո Իվանկան իր նախկին կառուցվածքին վերադարձավ ինտենսիվ պարային դասերի շնորհիվ, որոնց հաճախում եր շաբաթական 4 անգամ։ Այժմ նա նույն գրաֆիկով հաճախում է յոգայի եւ պիլատեսի, ինչը համատեղում է նաեւ թենիսի, գոլֆի, լողի հետ։ Ամենաէֆեկտիվ սպորտաձեւն Իվանկան համարում է ֆունկցիոնալ պարապմունքները, որոնք էլ օգնել են երեխայի ծնունդից հետո մի քանի ամսում վերադառնալ նախկին կազմվածքին։ Ֆունկցիոնալ պարապմունքների շրջանակում Իվանկան շաը կքանիստեր է արել TRX -ով։ Ներքին հավասարակշռության հասնելու, սթրեսը հաղթահարելու նպատակով Իվանկան շաբաթը մեկ թուրքական բաղնիք է այցելում, մաքուր օդին մեդիտացիայով զբաղվում։