ՄԱՆԿԱԿԱՆ ԴԻՄԱԳԾԵՐ ԵՒ ՍԵՔՍՈՒԱԼ ՄԱՐՄԻՆ. ՋԻՋԻ ՀԱԴԻԴԻ ԳԵՂԵՑԿՈՒԹՅԱՆ ԳԱՂՏՆԻՔՆԵՐԸ

Ջիջի Հադիդը մեր օրերի ամենահայտնի եւ պահանջված մոդելներից է։ Այսօր  21-ամյա գեղեցկուհին հայտնվում է ամենաճանաչված ամսագրերի շապիկներին, ցուցադրում հեղինակավոր դիզայներների զգեստները, գովազդում ճանաչված ապրանքանիշեր։ Նրա հաջողության գրավականը համաչափ մարմինն ու մանկական, նուրբ դիմագծերն են։

Ի դեպ, Ջիջիի մայրիկը նախկինում մոդել Իոլանդա Ֆոսթերն է, ումից էլ Ջիջին ժառանգել է իր գեղեցիկ արտաքինը։ Լավ գենետիկայի եւ  խնամվածության շնորհիվ էլ Ջիջին իր արտաքինով միշտ փայլում է։

Ջիջիին վստահորեն կարելի է անվանել մեր օրերի fashion-ինդուստրիայի ֆենոմեն։

Wnews.am-ը ներկայացնում է Ջիջի Հադիդի խնամքի գաղտնիքները.

Մաշկ. Ինչպես հայտնի է բազմաթիվ մոդելներ միշտ առնչվում են նույն խնդրին. մաշկը տուժում է մեծ քանակությամբ գրիմից։ Այդ պատճառով էլ Ջիջին մեծ ուշադրություն է դարձնում մաշկի խոնավեցնող միջոցներին, որոնք օգնում են մաշկին թարմություն հաղորդել։

«Ես օգտագործում եմ խոնավեցնող շատ միջոցներ։ Նորաձեւության շաբաթների ընթացքում ստիպված եմ լինում շատ գրիմ օգտագործել, որից հետո մաշկս սկսում է չորանալ»,- պատմում է մոդելը։ Մաշկի խնամքի նրա սիրած ապրանքանիշերն են  Intensive Repair Very Dry Skin Lotion, Eucerin-ի խոնավեցնող լոսյոնները։

Լվացվելու համար նա ընտրում է միջոցներ դեղատնից։ Ջիջիի խոսքերով՝ մաքրող միջոցների ընտրության հարցում ուշադրություն է դարձնում հաճելի հոտի եւ հենց տուփի վրա։

«Ինձ շատ են դուր գալիս մաքրող անձեռոցիկները, որոնք միշտ ունենում եմ ձեռքիս տակ։ Դրանք անփոխարինելի են, երբ անհրաժեշտ է պարզապես լվացվել, ինչը հնարավոր չէ անել, օրինակ, օդանավակայանում։ Բացի այդ, հաճախ օգտագործում եմ շուրթերը խոնավեցնող բալզամներ։ Դրանց վրա ես միշտ հաճույքով եմ գումար ծախսում»,- խոստովանում է մոդելը։

Վարսեր.
Ջիջին խոստովանում է, որ վարսերն ամեն օր չի լվանում, ավելին՝ դա համարում է իր գեղեցիկ լոքոնները լավ վիճակում պահպանելու գաղտնիքներից մեկը։ Ջիջին հազվադեպ է շամպուն օգտագործում, ուստի վարսերը չեն չորանում եւ պահպանում են իրենց առողջ տեսքը։

«Կալիֆորնիայի արեւին իմ վարսերը բնական ճանապարհով են «ներկվում», սակայն այդուհանդերձ ես հավելյալ բալայաժ եմ անում»,- պատմում է նա։

Ջիջին օգտգործում է  Sheer Blonde, John Frieda ապրանքանիշերի շամպունն ու կոնդիցիոները, որոնք իր վարսերն ավելի փափուկ են դարձնում։ Վարսերը լվանալուց հետո էլ օգտագործում է  Smooth and Finish Serum, GHD, Ocean Spritz Beach Texture Hairspray, Wella ապրանքանիշերի փափկեցնող միջոցներ։

Սնունդ.

Ջիջին իր կազմվածքը պահպանելու համար բավականին տարածված սխեմայով է շարժվում. շաբաթվա վեց օրերին որոշ զրկանքներ է ունենում,   իսկ մեկ օր ուտում է այն, ինչ ուզում է։ Նրա խոսքերով՝ կարեւոր է օրգանիզմին հանգիստ տալն ու վայելելը պիցա կամ բարձր կալորիականություն ունեցող քաղցրավենիք։
«Ճիշտ սնվեք, որպեսզի առողջ մնաք, համբուրգերներ կերեք, որպեսզի մնաք սթափ ուղեղով»,- ասում է գեղեցկուհին։

Նա սիրում է թարմ քամած հյութեր։ Ջիջիի ամենասիրած խմիչքը պատրաստվում է կոճապղպեղից, որը նա հաճախ ըմպում է մարզումներից առաջ՝ մարմինը տաքացնելու նպատակով։