«Ուզում եմ, որ նա քննադատների բերանը փակի». Մխիթարյան
Սպորտ
Հայաստանի հավաքականի կիսապաշտպանը խոսել է Մեսիի, Ռոնալդուի և Սալախի մասին։
ԵՐԵՎԱՆ, 12 հունիսի — Sputnik. Լիոնել Մեսին պատմության լավագույն ֆուտբոլիստն է, ասել է Հայաստանի հավաքականի և Լոնդոնի «Արսենալի» կիսապաշտպան Հենրիխ Մխիթարյանը «Կոմերսանտին» տված հարցազրույցում։
«Բարսելոնայի» և «Ռեալ Մադրիդի» աստղեր Լիոնել Մեսիին և Քրիշտիանու Ռոնալդուին համեմատելիս` Մխիթարյանը նշել է, որ երկուսն էլ «խաղացողներ են այլ մոլորակից»։
«Ականավոր վարպետներ են, որոնք ֆուտբոլն ավելի ուժեղ և հետաքրքիր են դարձրել։ Իսկ Մեսիին այստեղ հաղթանակ եմ մաղթում այն պատճառով, որ շատերը կարծում են, թե աշխարհի առաջնությանը հաղթանակ չարձանագրելով, նա Մարադոնայի մակարդակի չի հասել։ Նման հարցադրման հետ համաձայն չեմ, քանի որ Մեսիին ֆուտբոլի պատմության մեջ լավագույն խաղացող եմ համարում», — ասել է Մխիթարյանը։
Նա հույս է հայտնել, որ աշխարհի առաջիկա առաջնությանն առավել լավ հանդես կգան արգենտինացիները, քանի որ իրենց առաջնորդ Լիոնել Մեսիի համար սա աշխարհի առաջնության ոսկուն արժանանալու վերջին հնարավորությունը կարող է լինել։
«Ուզում եմ, որ նա հաղթի և փակի քննադատների բերանը», — ասել է Մխիթարյանը։
Նա նաև անդրադարձել է «Լիվերպուլի» և Եգիպտոսի հավաքականի (որը կխաղա Ռուսաստանի հավաքականի հետ) հարձակվողի խաղին։
«Նրանց գլխավոր աստղը` Մոհամմեդ Սալախը, հատուկ ունակություններ ունի։ Նա կարող է անակնկալներ մատուցել, պաշտպանները պետք է ուշադիր լինեն նրա հետ», — ասել է Մխիթարյանը։
Մխիթարյանը նշել է, որ եթե նա հաղթեր «Լիվերպուլի» հետ Չեմպիոնների Լիգայում, «Ոսկե գնդակի» իրական հավակնորդ կլիներ։
Իսկ այժմ հնարավորությունը քիչ է։ Սակայն եթե նա լավ խաղ ցուցադրի աշխարհի առաջնության ժամանակ, ամեն ինչ հնարավոր է։
1
2
3
4
5
1
3
4
5
1
2
3
4
