ՓԱՇԻՆՅԱՆԻ ՌԻՍԿԵՐԸ՝ Ի ԴԵՄՍ ԲԱԲԱՅԱՆԻ ՈՒ ՍԵՖԻԼՅԱՆԻ

ԼՐԱԳԻՐ | Վճռաբեկ դատարանը կայացրեց Սամվել Բաբայանին ազատ արձակելու որոշում: Որոշումը անշուշտ սպասելի էր: Հետաքրքիր է, որ Բաբայանն ու Ժիրայր Սէֆիլյանը ազատության մեջ են հայտնվում գրեթե հաջորդաբար, ընդ որում՝ Նիկոլ Փաշինյանի Մոսկվա այցի շեմին եւ անմիջապես ավարտից հետո: Կա՞ այդ առումով ուղիղ կապ, թե ոչ, բարդ է ասել: Բանն այն է, որ բացի պարզապես քաղբանտարկյալ դիտարկվելուց, Սէֆիլյանն ու Բաբայանը դիտարկվում են նաեւ այլ հարթության վրա՝ նրանք ասոցացվում են Արցախի խնդրում այսպես ասած կոշտ դիրքորոշման հետ, հաշվի առնելով առաջին պատերազմում նրանց դերակատարումը:

Նիկոլ Փաշինյանի արտաքին հարցերի խորհրդական Արսեն Խառատյանը Մոսկվայից վերադարձից հետո հայտարարել էր, որ Փաշինյան-Պուտին հանդիպմանը չի եղել Արցախի խնդրի առնչությամբ քննարկում:

Բայց հայտնի է, որ եղել է Փաշինյան-Ալիեւ ծանոթություն: Նիկոլ Փաշինյանը տեղեկացրել էր, որ Պուտինը ֆուտբոլային խաղից հետո ԱՊՀ ղեկավարների համար կազմակերպած ընդունելությանը Ալիեւին ծանոթացրել է Փաշինյանի հետ:

Ծանոթությունից բացի չի եղել որեւէ այլ բովանդակություն կամ քննարկում, տեղեկացրել էր Նիկոլ Փաշինյանը: Բայց, իրավիճակը նման է պրոֆեսիոնալ բռնցքամարտում ավանդական նախամրցամարտային հանդիպմանը, երբ մրցակիցները կանգնում են միմյանց դեմ եւ դարձյալ ոչինչ չեն ասում, կամ առավելագույնը մեկ-երկու բառ, բայց տեղի է ունենում հոգեբանական ահռելի դիմակայություն, եւ շատ դեպքերում հենց այդ դեմ դիմաց կանգնած հոգեբանական դիմակայությունն է որոշում ավելի ուշ տեղի ունեցող մրցամարտի ելքը:

Ահա այդ իմաստով, Մոսկվա այցից առաջ Սէֆիլյանի, իսկ անմիջապես հետո Սամվել Բաբայանի ազատ արձակումը առնվազն խորհրդանշականորեն կարող է լինել Նիկոլ Փաշինյանի դիրքերն ամրացրած հոգեբանական լիցք:

ՇԱՐՈՒՆԱԿՈՒԹՅՈՒՆԸ՝ ԿԱՅՔՈՒՄ