Պարզագույն տգիտություն և ստորագույն պատվեր
Սպորտ
Նարեկ Մինասյանը ֆեյսբուքյան իր էջում գրում է.
Երեկվանից ֆեյսբուքյան որոշ օգտատերեր, որոնք ուղղորդված են մասնավոր ինչ-որ կենտրոնից , լծվել են ապատեղեատվություն տարածելու նենգ գործին, ընդ որում՝ դա անում են շատ հետևողականորեն։ Վերջիններիս տխմար վերլուծությունների սլաքը դարձյալ ուղղված է Գագիկ Ծառուկյանի կողմ։ Այս անգամ էլ որոշել են թիրախավարել նրա որդուն՝ Նվեր Ծառուկյանին՝ քննելով նրա զինվորական ծառայության հարցը։ Իբրև թե՝ Նվեր Ծառուկյանին ժամկետային զինծառայութոյւնից ազատելու համար գործի են դրվել մի շարք մեխանիզմներ, անգամ բազկամարտի բրոնզե մեդալակիր է դարձել հենց զինվորական ծառայությունից խուսափելու համար։
Սա կամ պարզագույն տգիտության արդյունք, է կամ էլ՝ ստորագույն պատվեր։ Ավելի շուտ՝ երկուսը միասին։ Սակայն որքան էլ ֆեյսբուքյան էջերի մի ողջ բանակ ջանա խեղաթյուրել իրականությունը, առկան են արձանագրված փաստեր, որոնք վկայակոչելով՝ հերքվում է այս ողջ կեղծ ինֆորմացիան։ Մասնավորապես Նվեր Ծառուկյանը բարձրագույն ուսումնական հաստատություն է ընդունվել դեռևս նախանցած տարի և ընդունվել է անվճար հիմունքներով։ Եվ ոչ մեկի համար գաղտնիք չէ, որ Հայաստանի Հանրապետությունում անվճար հիմունքներով ընդունված յուրաքանչյուր արական սեռին պատկանող ուսանող կարող է օգտվել տարկետման իրավունքից։
Գագիկ Ծառուկյանի որդին մինչ 2021 թվականը, օգտվելով ՀՀ քաղքակացու համար սահմանված այս իրավունքից, ազատված է ժամկետային զինծառայութոյւնից։ Ու այս պարզ փաստի առաջ մնացյալ խոսակցությունները այնքան դատարկ են, ինչքան և ապարդյուն է այս ֆեյսբուքյան գրոհը։
Հ․Գ․ Ֆեյսբուքում օգտատերերը՝ կեղծ, թե իրական, կարող են տեղավորվել պատվերների մեջ, բայց անընդունելի է, երբ որոշ լրատվականներ այնքան սնանկ են, որ կարող են իրենց լրահոսը լրացնելու կամ սկանդալային նյութ ունենալու մոլուցքին հագուրդ տալու համար օգտվել այսօրինակ գրառումներից։ Սակայն շտապենք հիասթափեցնել վերջիններիս․ ոչ մի սկանդալ էլ չեք բացահայտում։ Ընդամենը դառնում եք հերթական ստահոդ աղբաթերթը։ Մի բան գրելուց առաջ ուղղակի նայե՛ք իրականությանը․ այն այնքան պարզ է։
1
2
3
4
5
2
3
4
5
2
3
4
