Երեւանի ու Մոսկվայի կործանիչ պատասխանը Բաքվին

ԼՐԱԳԻՐ | Նիկոլ Փաշինյանն օրերս իր ֆեյսբուքյան էջում լուսանկար էր հրապարակել գրառումով, որ աշխարհի լավագույն կործանիչներից մեկի՝ ՍՈՒ 30 ՍՄ-ի օդաչուական խցիկում է եւ արդեն Երեւանում է: Թեմային անդրադարձել է ռուսական Ռեգնում գործակալությունը, որտեղ ռազմական մեկնաբանը նշում է, որ Երեւանն ու Մոսկվան բանակցում են այդ կործանիչների մասով գործարքի վերաբերյալ, բանակցությունը մոտ է ավարտին եւ 1-2 տարվա ընթացքում Երեւանը կստանա այդ կործանիչներից:

Հատկանշական է, որ մեկ օրինակ արդեն Երեւանում է, ինչպես ակնարկել էր Նիկոլ Փաշինյանը, ինչն անշուշտ նշանակում է, որ գործարքը հուսալի փուլում է եւ որոշակի «գաղտնազերծումը» չի դիտվում դրա տապալման վտանգ:

Ավելին, գաղտնազերծումը տեղի է ունենում նոր քաղաքական եւ ռազմա-քաղաքական իրավիճակում կամ դրա շեմին, որի պատճառը Հայաստանում եւ Արցախում տեղի ունեցող իրողություններն են, զուգահեռ Ադրբեջանի գործողությունները սահմանին, այդ թվում Նախիջեւանում:

Նիկոլ Փաշինյանը ռուսական կործանիչի մասին ակնարկում է Մոսկվա կատարած այցից հետո: Կասկածից վեր է, որ Փաշինյանի հրապարակումն անակնկալ չէ ռուսական կողմի համար, հազիվ թե Հայաստանի վարչապետը նպատակահարմար գտներ Մոսկվային դնել փաստի առաջ:

Ըստ այդմ, Երեւանը եւ Մոսկվան են փաստի առաջ դնում Բաքվին, ինչը կարող է դիտվել նաեւ Նախիջեւանի ուղղությամբ Ադրբեջանի գործողությունների պատասխան: Եվ ոչ միայն: Նաեւ պատասխան բելառուսական Պոլոնեզներին եւ իսրայելական Լորաներին, որոնք դիտարկվեցին իբրեւ Հայաստանի մատակարարված ռուսական Իսկանդերի համարժեք:

մանրամասն՝ կայքում