«Կոլխոզի նախագահները՝ գեներալների հագուստով, ժամանակին տուզիկ են եղել». Սամվել Բաբայան
ՀասարակությունԱրցախի պաշտպանության բանակի նախկին հրամանատար, օրերս կալանքից ազատված Սամվել Բաբայանը վստահեցնում է, որ իր համար նորություն չի եղել գեներալ Մանվել Գրիգորյանի տանն ԱԱԾ-ի հայտնաբերածը, ավելին՝ սպասելի է եղել:
«Ոչ միայն Մանվել Գրիգորյանը, այլ մնացածներն էլ, որ լավ ստուգեն, բոլորի մոտ էլ նույնն է լինելու, ես իրենց վաղուց գիտեմ: 2016 մայիսին, որ ասում էի՝ կոլխոզի նախագահները՝ գեներալների հագուստներով, ա՛յ, ձեզ այն ժամանակ չէր հետաքրքրում, հիմա հանկարծ զարմացել եք, թե էս ի՞նչ կատարվեց: Ոչ մի բան չի կատարվել, միշտ էլ տենց ա եղել 25 տարի, տենց էլ գնում է»,- ասաց Բաբայանը: Դիտարկմանը, որ հանրապետականներն ասում էին, թե չգիտեին այդ մասին, Բաբայանը պատասխանեց՝ ղալլաթ են անում: «Բոլորն էլ գիտեն, բոլորն էլ նույն կոռուպցիոներն են, մի հատ նայի՝ երեկվա փսլնքոտներն ինչ տներում են ապրում... ինձ մոտ բոլորը ծառայել են, մեկն եկել ա, ասել ա՝ 10 մեքենա թուղթ տուր, տանեմ ծախեմ, մեկը ավտոմատը դրել ա դիակի տակը, բռնել եմ եւ այլն: Ես էդ թալանչիներին վաղուց գիտեմ: Դրանք ժամանակին տուզիկ են եղել»,- ասաց ԼՂՀ ՊԲ նախկին հրամանատարը:
Անդրադառնալով Փաշինյանի կառավարմանը, նա նշեց. «Ինչքան գիտեմ՝ Փաշինյանին ինքը մինչեւ վերջ գնալու ա, պարզապես օրենսդրական բազան պիտի փոխվի»:
1
2
3
4
5
1
2
5
1
3
