Ինչպես միանգամից հմայել տղամարդուն. Կլեոպատրայի գաղտնիքները

1. Տղամարդու առջեւ յուրահատուկ կերպով հայտնվելը

Կլեոպատրան շատ լավ հասկանում էր, թե որքան կարեւոր է առաջին տպավորությունը։ Թույլ, անօգնական, թշանմիների կողմից հետապնդվելով նա անսպասելիորեն հայտնվեց Կեսարի ոտքերի առջեւ՝ «դուրս գալով հաստ կտորի ծալքերից»։
Մի կողմից՝ դա հարկադրված միջոց էր։  Կլեոպատրային իսկապես հետապնդում էին, եւ պոտենցիալ պաշտպանի մոտ նա կարող էր հայտնվել միայն խորամանկ միջոցով։ 
Մյուս կողմից՝ Կլեոպատրան վարպետորեն իրադրությունն իր օգտին օգտագործեց եւ կարողացավ միանգամից գրավել նրան, ով կարող էր իրեն պաշտապանել։

2. Ցանկասիրություն
Կլեոպատրան գիտեր սիրային խաղերի արժեքը։  Նրա «զինանոցում» շատ միջոցներ կային, որոնք նա չէր ամաչում կիրառել։  Իր սիրեկանների համար Կլեոպատրան վայելքների ու հաճույքի անսպառ աղբյուր էր։ Սակայն այդ հմտությունները նա խելամտորեն էր օգտագործում։ Նա հաշվարկում էր, թե երբ է անհրաժեշտ տրվել կրքերին, երբ՝ ոչ։ 
Բացի այդ, Կելոպատրան հումորի շատ լավ զգացում ուներ եւ արհեստավարժ սիրուհուց հեշտությամբ վերածվում էր ուրախ զրուցակցի։

3. Տոնի մարմնավորում 
Կլեոպատրան չէր կարող թույլ տալ, որ սիրեկաններն իրեն որեւէ բացասական բանի հետ ասոցացնեն։ Այդ պատճառով տեսնելով, որ իր տղամարդը լավ տրամադրություն չունի, Կլեոպատրան անհետանում էր նրա տեսադաշտից։ 
Իսկ ավելի ուշ՝ հարմար պահի, նա կամ գովաբանում կամ մխիթարում էր իր տղամարդուն։ 
Որպես գովաբանություն կամ մխիթարանք ծառայում էին գինին, խաղերի ու տոների վերաբերյալ գաղափարները։ 
Այսպիսով, Կլեոպատրան տղամարդու առջեւ չէր հայտնվում, երբ վերջինը զայրացած էր եւ միշտ ասոցացվում էր ուրախության, ներդաշանակության ու հանգստի հետ։

4. Ռիսկի դիմելու պատրաստակամություն

Համարձակությունը գրավիչ կնոջ անքակտելի մասնիկն է։ 
Իր համարձակությունը Կլեոպատրան հմտորեն մատուցում էր «տարբեր մածուկներով»։ 
Մի մասի համար նա համարձակ դաշնակից էր, մյուսների համար՝ հպարտ թագուհի, ով իր նկատմամբ համապատասխան վերաբերմունք էր պահանջում։ Նրա այս հատկությունը մեծ դեր խաղաց Անտոնիոսի հետ պատմության մեջ։ 
Կլեոպատրան վճռականորեն մերժում էր Անտոնիոսի՝ նրա պալատ ներկայանալու պահանջները։ Սակայն հետագայում, որպես հմուտ քաղաքական գործիչ, նա պատասխան հրավեր ուղարկեց եւ այնպիսի յուրահատուկ հանդիպում կազմակերպեց, որ Անտոնիոսը չէր կարող չսիրահարվել այդ վճռական կնոջը, որը չխոնարհվեց, սակայն իսկապես արքայական ուշադրություն ցուցաբերեց։

5. Սեր՝ հաղթողների նկատմամբ

Կլեոպատրան միշտ ձգտել է լինել միայն հաղթողների կողքին։ 
Իսկապես՝ ի՞նչ օգուտ տղամարդուց, որը նրան չէր կարող տալ անհրաժեշտ իշխանությունը կամ արժանի դիրքը։ 
Իր արքայական ծագումն ու բնույթը Կլեոպատրան միշտ ամեն ինչից վեր էր դասում։ 
Հնարավոր է՝ նա չպետք է ծայրահեղությունների մեջ ընկներ, սակայն առողջ հաշվարկը նրան թույլ էր տալիս երկար ժամանակ բարձունքում լինել։

Կլեոպատրան վերջին փարավոնն էր։ Նա առաջին կին քաղաքական գործիչն էր, դիվանագետ, մաթեմատիկոս, քաղաքագետ։ Նա ուներ այն ամենը, ինչ ցանկանում էր՝ սեր, իշխանություն, հարստություն, դիրք։ Նա գիտեր մեկ խորամանկություն՝ «Նպատակին ավելի հեշտ է հասնել նրան խաբելու պարագայում»։